San Mateo 16:20 - Jakalteko

²⁰ Lahwi yalni Comam huntekꞌan tuꞌ xin, yalnicano Comam tet ebnaj iscuywom tato machi bay chalicꞌo ebnaj tato haꞌ Comam Jesús haꞌ ton Cristo.

San Mateo 16:20 ပူးပေါင်းရင်းမြစ်များ

San Mateo 1:16

Naj Jacob, haꞌ naj ismam naj José, naj José tuꞌ haꞌ naj yichamil ix María. Ix María tuꞌ haꞌ ix ismiꞌ Comam Jesús, haꞌ ton Comam Cristo.

San Mateo 16:16

Istakꞌwi naj Simón Pedro: —Hach tiꞌ, Cristo hach, Iscꞌahol Comam Dios itzitz, ẍi naj.

San Mateo 17:9

Haxa yet lan̈an yayti Comam yin̈ iswiꞌ huneꞌ witz tuꞌ yeb ebnaj iscuywom, yalni Comam: —Machi bay cheyal huneꞌ maxeyil tiꞌ masanto yet chinitzitzbican̈an xol camom, Hanin Akꞌbilintijan texol yu Comam Dios, ẍi Comam tet ebnaj.

San Mateo 8:4

Lahwi tuꞌ, yalni Comam tet naj: —Machi mac tet chawalicꞌo huneꞌ tiꞌ, wal xin as ye haba tet naj sacerdote, cat hawakꞌni haxahanbal hacaꞌ yalni isley naj Moisés, yun̈e yohtan̈encanilo anma tato xaelcano huneꞌ yabil tiꞌ tawin̈, ẍi Comam tet naj.

San Marcos 8:30

Yalni Comam tato machi bay chalicꞌo ebnaj huneꞌ tuꞌ.

San Marcos 9:9

Hayet lan̈an ispaxayti Comam yin̈ iswiꞌ witz yeb ebnaj oxwan̈ tuꞌ, yalni Comam tet ebnaj: —Machi mac tet cheyal huneꞌ maxeyil tuꞌ, wal xin haꞌ to yet chinitzitzbican̈an xol camom, Hanin Akꞌbilintijan texol yu Comam Dios catto heyalni, ẍi Comam.

San Lucas 2:11

Bey yul con̈ob Belén, iscon̈ob naj rey David, haꞌ tuꞌ mapitzcꞌa huneꞌ Hecolomal, haꞌ ton Comam Cristo, Comam Jahawil.

San Lucas 9:21

Yaj caw cam yalcano Comam Jesús tet ebnaj ta machi hunu mac bay challax huneꞌ tzet yal naj Pedro tuꞌ.

San Lucas 9:36

Lahwi yallax huneꞌ tzotiꞌ tuꞌ, yilni ebnaj ta ischuquilxan̈e Comam Jesús aycꞌoj. Yin̈ huneꞌ tiempohal tuꞌ, machi mac tet yalilo ebnaj yin̈ huneꞌ tzet yil tuꞌ.

San Juan 1:41

Yet lahwi istzotel naj Andrés tuꞌ yeb Comam Jesús, yin̈ hamataj to naj saywal yin̈ yuẍtaj, yalni naj tet naj: —Caw machahloyo Comam Mesías juhan̈, ẍi naj.

San Juan 1:45

Lahwi tuꞌ xin, isto naj Felipe saywal yin̈ naj Natanael. Yet ischahlo naj Natanael tuꞌ yu naj, yalni naj tet naj: —Machahlo Comam tzꞌibn̈ebilcanayo yul Hum yet ley akꞌbilcano yu naj Moisés, yeb tzꞌibn̈ebilcano yu huntekꞌanxa ebnaj ischejab Comam Dios yet payat; haꞌ naj Jesús ah Nazaret, iscꞌahol naj José, ẍi ebnaj.

San Juan 11:27

Hoꞌ Mamin, caw chiwaytojan yul wanmahan tato hach tiꞌ Cristo hach. Caw Iscꞌahol Comam Dios hawehi, halbilcanoj ta chachhul yul sat yiban̈kꞌinal tiꞌ, ẍi ix Marta tuꞌ tet Comam.

San Juan 20:31

Yajaꞌ tzꞌibn̈ebilcano huntekꞌan tiꞌ yun̈e heyanayto yul heyanma tato haꞌ Comam Jesús, haꞌ ton Cristo, Iscꞌahol Comam Dios. Haxinwal yet cheyanayto yul heyanma, chechah hekꞌinal mach istan̈bal yin̈ isbi Comam.

Hechos 2:36

Tinan̈ xin, yilal heyabencano yin̈ caw ishabanil hex wet con̈ob Israel. Waxan̈ca xaheyacan̈ Comam Jesús yin̈ teꞌ culus, yaj haꞌ Comam Dios anico Comam Jesús Yahawiloj, yeb xin yin̈ Cristohal, ẍi naj Pedro.

1 Juan 2:22

Chiwalan teyet macta caw lekꞌtiꞌwom tuꞌ, haꞌ ton mac chihalni tato Comam Jesús mach Cristohoj. Haꞌ ton mac tuꞌ ayco ishowal yin̈ Comam, yuto mach chiyayto yul yanma yin̈ Comam Dios, yeb yin̈ Iscꞌahol Comam.

1 Juan 5:1

Mac chianayto yul yanma tato haꞌ Comam Jesús, haꞌ Cristo Cocolomal, caw yuninal Comam Dios yehi. Tato chijoche Comam Dios chijochepaxo Iscꞌahol Comam.