San Mateo 16:14 - Jakalteko

¹⁴ Istakꞌwi ebnaj: —Ay mac chalni ta hach tiꞌ naj Juan anican̈ haꞌ iswiꞌ anma, aypaxo mac chalni tato Elías hach, aypaxo mac chalni tato hach tiꞌ naj Jeremías, maca to hunuxa ischejab Comam Dios ecꞌlena yet payat, ẍi ebnaj.

San Mateo 16:14 ပူးပေါင်းရင်းမြစ်များ

San Mateo 14:2

Yuxin yal naj tet ebnaj chimunla yinta tuꞌ: —Huneꞌ naj chibina tuꞌ, ham naj Juan anican̈ haꞌ iswiꞌ anma itzitzbican̈, yuxin ay yip naj iswatxꞌen huntekꞌan cꞌaybalcꞌule tuꞌ, ẍi naj.

San Mateo 16:15

Iskꞌambenpaxo Comam tet ebnaj: —Haxaca hex tiꞌ, ¿mac anmahilinan heyalni? ẍi Comam.

San Mateo 17:10

Lahwi tuꞌ iskꞌamben ebnaj tet Comam: —¿Tzet yin̈ xin chal ebnaj cuywawom yin̈ isley naj Moisés tato yilal babel chul naj Elías sata naj Cristo? ẍi ebnaj tet Comam.

San Mateo 3:1

Yet huneꞌ tiempohal tuꞌ xin apni naj Juan anican̈ haꞌ iswiꞌ anma bey txꞌotxꞌ desierto, yul ismajul Judea.

San Marcos 6:15

Aypaxo mac chalni: —Etzan̈em naj Elías huneꞌ tuꞌ, ẍi. Aypaxo mac chalni: —Huneꞌ naj tuꞌ ischejab Comam Dios ye naj, hacaꞌ ebnaj ecꞌlena yet payat, ẍi anma.

San Marcos 8:28

Istakꞌwi ebnaj tet Comam: —Ay mac chalni tato hach tiꞌ naj Juan anican̈ haꞌ iswiꞌ anma, aypaxo mac chalni tato Elías hach, maca hunu ischejab Comam Dios ecꞌlena yet payat, ẍi ebnaj.

San Lucas 9:8

Aypaxo anma chihalni: —Haꞌ naj Elías chihul isyeb isba hunelxa, ẍi anma. Ay xin anma chalnipaxoj: —Etza haꞌ huno ebnaj ischejab Comam Dios ecꞌlena yet payat, haꞌ hulcan̈ iscꞌul xol camom, ẍi ebnaj.

San Juan 1:21

Iskꞌambenpaxo ebnaj hunelxa: —¿Mac hach anmahilach, chal tuꞌ? ¿Tom hach tiꞌ Elías? ẍi ebnaj. —Machoj, maẍtajinan, ẍi naj. —¿Mato hach tiꞌ ischejab Comam Dios echmabil yul juhan̈? ẍi ebnaj tet naj. —Machoj, ẍipaxo naj.

San Juan 7:12

Caw xin nanantaxan̈e chal anma yin̈ Comam, ay anma chalni: “Caw cꞌulcano huneꞌ naj tuꞌ,” ẍi. Aypaxo anma chihalni: “Caw machiswalil huneꞌ naj tuꞌ, caw ton̈e chiyakꞌ subchaho naj anma,” ẍipaxoj.

San Juan 9:17

Yocpaxo ebnaj fariseo iskꞌambeno tet naj maẍticꞌa chiyu yilni tuꞌ: —Haxa hach tiꞌ, ¿tzet chawute hawalni yin̈ naj akꞌni hajlo hasat tiꞌ? ẍi ebnaj. Yalni naj hacaꞌ tiꞌ: —Haꞌ huneꞌ chiwute walnihan, to caw ischejab Comam Dios ye yaꞌ, ẍipaxo naj tet ebnaj.