San Mateo 14:27 - Jakalteko

²⁷ Yalnican̈ Comam: —Mach chexxiwi, haninan, ẍi Comam.

San Mateo 14:27 ပူးပေါင်းရင်းမြစ်များ

San Mateo 14:28

Yalni naj Pedro tet Comam: —Mamin, ta hach huneꞌ tuꞌ, hala ta chinbelwihan yiban̈ ha haꞌ tiꞌ cat wapnihan bay ayach tuꞌ, ẍi naj.

San Mateo 17:7

Lahwi tuꞌ, ishitzico Comam iscꞌatan̈ ebnaj, yanayo Comam iskꞌab yiban̈ ebnaj, yalni Comam: —Ahan̈wewanoj, mach chexxiwi, ẍi Comam.

San Mateo 28:10

Yalni Comam tet ebix: —Mach chexxiwi, as halwe tet ebnaj wuẍtajan tato chito bey Galilea, haꞌ bey tuꞌ chinyilaꞌan ebnaj, ẍi Comam.

San Mateo 28:5

Yalni naj ángel tet ebix cawan̈ tuꞌ: —Mach chexxiwi, wohtajan tato haꞌ Comam Jesús alaxcan̈ yin̈ culus, haꞌ lan̈an hesayni.

San Mateo 9:2

Yilaxto huneꞌ naj mach chibili isnimanil iscꞌatan̈ Comam sat batxteꞌ. Hayet yilni Comam xin tato caw ayco yanma ebnaj initi naj tuꞌ yin̈ Comam, yalni Comam tet naj yaꞌay tuꞌ: —Hach wet anmahil aco yip hawanma, tinan̈ chiakꞌlaxcano nimancꞌulal yin̈ hamul, ẍi Comam tet naj.

San Marcos 6:50

Caw sunil ebnaj ilni, isxiwcan̈ ebnaj, yajaꞌ yal Comam tet ebnaj: —¡Ayojab yip heyanma, mach chexxiwi yuto haninan! ẍi Comam.

San Lucas 1:13

Yalni naj ángel: —Mam Zacarías, mach chaẍxiwcan̈, caw mayabe Comam Dios tzet maxawal yin̈ hatxah. Yu huneꞌ tuꞌ xin, chiyilaꞌ hawixal Elizabet yin̈ huneꞌ nichꞌan hacꞌahol, Juan chawaco isbihoj.

San Lucas 1:30

Yalnipaxo naj ángel tet ix: —María, mach chachxiwcan̈, yuto xaꞌilcha iscꞌulal hawu yul sat Comam Dios.

San Lucas 12:32

Yalnipaxo Comam Jesús tet ebnaj iscuywom: —Mach chexxiw hex xahan ay wutiꞌan. Caw haywan̈exchꞌan, yajaꞌ xaꞌel yin̈ iscꞌul Comam ay bey satcan̈ quexyanico yuninaloj.

San Lucas 2:10

Yalni naj ángel tet ebnaj: —Mach chexxiwi yuto ay huneꞌ tzotiꞌ caw cꞌul chinhulan walaꞌan teyet. Haꞌ huneꞌ chiwaltiꞌan istzalabal hecꞌul yeb istzalabal sunil anma.

San Lucas 5:10

Hacpax tuꞌ naj Jacobo yeb naj Juan, iscꞌahol icham Zebedeo, ebnaj apni colwal yinta naj Simón, caw cꞌaypaxocan̈ iscꞌul ebnaj. Yalni Comam tet naj Simón Pedro tuꞌ: —Mach chachxiwi, yuto tinan̈ matxa chachmunla yin̈ ikꞌoti cay, wal xin haxa anma chachoc hawikꞌatij cat yoc yul inkꞌaban, ẍi Comam tet naj.

San Juan 16:33

Caw chiwalcanojan sunil huntekꞌan tiꞌ teyet yun̈e yoccano akꞌancꞌulal yin̈ heyanma wuhan. Yul sat yiban̈kꞌinal tiꞌ cheyilaꞌ isyaꞌtajil, yaj aweco yip heyanma yuto hanintiꞌan xaquinkꞌojihan yin̈ sunil isyaꞌtajil ay yul sat yiban̈kꞌinal tiꞌ.

San Juan 6:20

Yalni Comam tet ebnaj: —Haninan, mach chexxiwcan̈, ẍi Comam.

Hechos 23:11

Haxa yet hunxa akꞌbal xin, isyeni isba Comam tet naj Pablo, yalni hacaꞌ tiꞌ: —Pablo, mach chaẍxiwi, yuto hacaꞌ chiyu quinhawalnicꞌojan yul con̈ob Jerusalén tiꞌ, hac tuꞌ chiyu quinhawalnipaxicꞌojan bey yul con̈ob Roma, ẍi Comam.