2 Yuxin yal naj tet ebnaj chimunla yinta tuꞌ: —Huneꞌ naj chibina tuꞌ, ham naj Juan anican̈ haꞌ iswiꞌ anma itzitzbican̈, yuxin ay yip naj iswatxꞌen huntekꞌan cꞌaybalcꞌule tuꞌ, ẍi naj.
Istakꞌwi ebnaj: —Ay mac chalni ta hach tiꞌ naj Juan anican̈ haꞌ iswiꞌ anma, aypaxo mac chalni tato Elías hach, aypaxo mac chalni tato hach tiꞌ naj Jeremías, maca to hunuxa ischejab Comam Dios ecꞌlena yet payat, ẍi ebnaj.
Yabelo naj rey Herodes iskꞌumal Comam Jesús yuto sunilxan̈e bay cꞌul istzotel anma yin̈ Comam. Yalni naj Herodes hacaꞌ tiꞌ: —Haꞌ huneꞌ naj tuꞌ, haꞌ ton naj Juan anican̈ haꞌ iswiꞌ anma xaitzitzbican̈, yuxin ay yip naj iswatxꞌen cꞌaybalcꞌule, ẍi naj.
Naj Herodes, naj yahaw yeco yin̈ ismajul Galilea, yabe naj iskꞌumal sunil tzettaj ye tuꞌ iswatxꞌe Comam Jesús, issomchacan̈ yul iswiꞌ naj yuto ay anma chalni hacaꞌ tiꞌ: —Haꞌ huneꞌ naj chiwatxꞌen huntekꞌan tzet yetu tuꞌ, haꞌ ton naj Juan anican̈ haꞌ iswiꞌ anma, hulcan̈ iscꞌul xol camom, ẍi anma.