San Mateo 13:57 - Jakalteko

⁵⁷ Yuxin machi cam iscꞌul anma yaben tzet chal Comam. Yalni Comam tet anma tuꞌ: —Sunil bay xahan chiillax ischejab Comam Dios yu anma, yajaꞌ wal yul iscon̈ob yeb yul yatut chiyahlaxi, ẍi Comam.

San Mateo 13:57 ပူးပေါင်းရင်းမြစ်များ

San Mateo 11:6

¡Sakꞌal yet mac mach chicabcon yanma win̈an! quexchi, ẍi Comam tet ebnaj.

San Mateo 13:58

Wal Comam xin mach txꞌiꞌalo cꞌaybalcꞌule isye Comam yul iscon̈ob tuꞌ, yuto mach chayto anma yul yanma yin̈ Comam.

San Marcos 6:1

Lahwi tuꞌ yel Comam Jesús yul con̈ob Capernaum, yapni Comam yul iscon̈ob, haꞌ ton xin Nazaret; tzujanpaxo xin ebnaj iscuywom Comam yintaj.

San Marcos 6:14

Yabelo naj rey Herodes iskꞌumal Comam Jesús yuto sunilxan̈e bay cꞌul istzotel anma yin̈ Comam. Yalni naj Herodes hacaꞌ tiꞌ: —Haꞌ huneꞌ naj tuꞌ, haꞌ ton naj Juan anican̈ haꞌ iswiꞌ anma xaitzitzbican̈, yuxin ay yip naj iswatxꞌen cꞌaybalcꞌule, ẍi naj.

San Marcos 6:3

¿Tom maẍtaj naj tiꞌ naj hutxꞌum teꞌ, naj yunin ix María? yeb ¿tom mach yuẍtajo isba naj yeb naj Jacobo, naj José yeb naj Judas, yeb naj Simón? ¿Tom xin maẍtaj coxol tiꞌ aypaxo yanab naj? ẍi ebnaj. Yu huneꞌ tuꞌ yuxin mach isje ebnaj yabeꞌ yin̈ tzet chal Comam.

San Marcos 6:4

Yalni Comam tet ebnaj: —Sunil ischejab Comam Dios yul hunuxa nan con̈obal caw xahan chiillaxi, wal yul iscon̈ob xin mach xahano chiillax yu yet con̈ob, yeb yu mac ayto yu isba yebi yeb yu ej yuẍtaj, ẍi Comam.

San Lucas 4:24

Yalnipaxo Comam: —Yin̈ caw isyelal chiwalan teyet, machi huno ischejab Comam Dios xahan chiꞌillax yu yet con̈ob.

San Lucas 7:23

Sakꞌal yet mac mach chicabcon yanma win̈an, quexchi tet naj Juan tuꞌ, ẍi Comam tet ebnaj.

San Juan 4:44

Caw xin halbilxaticꞌa yu Comam tuꞌ tato caw machi hunu ebnaj ischejab Comam Dios xahan chiillax yul iscon̈ob.

San Juan 6:42

Yalni ebnaj hacaꞌ tiꞌ: —¿Tom maẍtaj naj tiꞌ naj Jesús, iscꞌahol naj José? Caw johta mac ismam naj yeb ismiꞌ naj. ¿Tzet yin̈ yuxinto chal naj tato yul satcan̈ titna naj? ẍi ebnaj yin̈ Comam.

San Juan 6:61

Wal Comam xin, caw yohtaxa tzettaj chal ebnaj tuꞌ, yuxin yal Comam hacaꞌ tiꞌ: —¿Tom caw chicabconcan̈ hecꞌul yin̈ tzet chiwaltiꞌan?