San Marcos 9:32 - Jakalteko

³² Yajaꞌ machi txumcha yu ebnaj yin̈ tzet yal Comam, chixiwpaxo ebnaj iskꞌamben tet Comam.

San Marcos 9:32 ပူးပေါင်းရင်းမြစ်များ

San Marcos 16:14

Haxa yin̈ tzujanilxa xin isyeni isba Comam Jesús tet ebnaj hunlahon̈wan̈ iscuywom yet ayco ebnaj waꞌo sat meẍa, iscachlax ebnaj yu Comam yu chicabcon iscꞌul ebnaj; mach yayto ebnaj yul yanma yin̈ tzet yal ebnaj xailni ta xaitzitzbican̈ Comam.

San Marcos 7:18

Istakꞌwi Comam: —¿Tom haꞌ hunex mach maxetxum yin̈ tzet mawaltuꞌan? ¿Tom mach chetxumu tato sunil tzet chicolo mach chon̈yetato yul sat Comam Dios,

San Marcos 8:33

Ismeltzo Comam, yoc tꞌan̈no yin̈ ebnaj iscuywom, yoc Comam iscachno naj Pedro, yalni Comam: —¡Hach matzwalil, elan̈ yin̈ insatan! Yuto hach tiꞌ maẍtaj tzet nabil yu Comam Dios chꞌecꞌ yin̈ hanabal, walxinto hatzet chisna anma, haꞌ chiecꞌ yin̈ hanabal, ẍi Comam tet naj Pedro tuꞌ.

San Marcos 9:10

Yuxin machi mac tet bay yal ebnaj huneꞌ tuꞌ, yajaꞌ xin iskꞌambele ebnaj tet hunun yin̈ tzet chal yelapno yet chiitzitzbican̈ Comam xol camom.

San Lucas 18:34

Yaj maẍticꞌa tzet nachalo yu ebnaj, yebpaxo maẍticꞌa yohtan̈elo ebnaj baytet yin̈ tzotel Comam, yuto ewanto ye yul sat ebnaj.

San Lucas 2:50

Wal xin machi txumchalo yu ismam yeb ismiꞌ yin̈ tzet chalilo huneꞌ yal naj tuꞌ.

San Lucas 24:45

Hac tuꞌ yu yakꞌni Comam Jesús yohtan̈elo ebnaj yin̈ tzet tzꞌibn̈ebilcanayo yul Yum Comam Dios.

San Lucas 9:45

Yajaꞌ machi nachalo yu ebnaj yin̈ tzet yal Comam tet ebnaj yuto machi akꞌlax istxumuꞌ ebnaj, xiwpaxo ebnaj iskꞌambenilo tet Comam yin̈ tzet chal yelapnoj.

San Juan 12:16

Yet huneꞌ tzꞌayical tuꞌ xin caw maẍticꞌa txumchalo yu ebnaj iscuywom Comam Jesús yin̈ tzet chalilo huneꞌ tuꞌ. Hato yet istocano Comam yul satcan̈, hato tuꞌ xin isnaniti ebnaj tato tzꞌibn̈ebilcano huneꞌ tuꞌ yin̈ Comam, yuxinto hac tuꞌ yuhi.

San Juan 16:19

Isnanilo Comam Jesús tato caw choche ebnaj iskꞌambeꞌ tet Comam, yuxinto yal Comam tet ebnaj: —Caw xawalan teyet: “Caw hanicꞌxan̈e bay matxa cheyilaꞌ win̈an, hanicꞌxan̈e xin cat heyilnipaxo win̈an hunelxa,” quinchiyan. ¿Tom haꞌ huneꞌ mawaltiꞌan, haꞌ caw chekꞌambe teyet hunujex?

San Juan 4:27

Hayet lan̈an istzotel Comam tuꞌ xin, yapni ebnaj iscuywom. Caw cꞌayilo iscꞌul ebnaj yilni istzotel Comam yeb huneꞌ ix ix tuꞌ. Wal xin caw machi hunu ebnaj kꞌambeni tzet yin̈ xin tzotel Comam yeb ix, yeb xin tzet chal Comam yeb ix.