San Marcos 7:37 - Jakalteko

³⁷ Hayet yaben anma huneꞌ tuꞌ caw cꞌayilo iscꞌul, yalni anma: —Sunil tzet chiswatxꞌe Comam cꞌul chielicoj, chakꞌ hajlo Comam istxiquin ebnaj mach chabe, cat yakꞌni tzotelo Comam mac maẍticꞌa chu istzoteli, ẍi anma.

San Marcos 7:37 ပူးပေါင်းရင်းမြစ်များ

San Mateo 9:32

Hayet caw lan̈an ispaxto ebnaj hajlo isbakꞌsat yu Comam Jesús tuꞌ, yapni huntekꞌan ebnaj yakꞌnocano huneꞌ naj iscꞌatan̈ Comam. Huneꞌ naj tuꞌ mach chu istzotel naj yuto ayco ischejab naj matzwalil yin̈ naj.

San Marcos 1:27

Hayet yilni anma ayicto yul capilla huneꞌ tuꞌ caw xiwcan̈, iskꞌamben anma tet hunun: —¿Tzettaxca chalilo huneꞌ tiꞌ? Huntekꞌan cuybanile chal huneꞌ naj tiꞌ caw acꞌto, maẍto bay chijabe, yeb caw ay yip naj iscuywahi. Hayet chalni naj tato chiel ischejab naj matzwalil yin̈ anma, cat isyijen ebnaj tzet chal naj, ẍi anma yin̈ Comam.

San Marcos 2:12

Yin̈n̈ena tuꞌ yahwano naj, yinican̈ naj isbatxteꞌ, yelti naj yul n̈a yin̈ sat sunil anma, ispaxto naj. Hayet yilni anma huneꞌ tuꞌ caw cꞌayilo iscꞌul, yichico anma yalni cꞌulla tzotiꞌ yin̈ Comam Dios. Yalni anma hacaꞌ tiꞌ: —Maẍto hunelo chijil huneꞌ hacaꞌ mayu tiꞌ, ẍi anma.

San Marcos 4:41

Wal ebnaj iscuywom Comam tuꞌ caw xiw ebnaj, yalni ebnaj tet hunun: —¿Mac anmahil yaꞌ tiꞌ yuxin chisyije jakꞌekꞌ yeb ha haꞌ yin̈ tzet chal yaꞌ? ẍi ebnaj yin̈ Comam.

San Marcos 5:42

Yin̈n̈ena tuꞌ yahwano ix nichꞌan tuꞌ, yichico ix yeqꞌui. Caw xin cablahon̈eb habil ix. Hayet yilni anma huneꞌ tuꞌ, caw toxan̈e chicꞌay iscꞌul.

San Marcos 6:51

Lahwi tuꞌ yahto Comam yul teꞌ barco, hayet ayxahto Comam yul teꞌ islin̈i yecꞌ jakꞌekꞌ, caw xin cꞌayilo iscꞌul ebnaj iscuywom Comam yilni huneꞌ tuꞌ.

San Marcos 7:36

Yalnicano Comam tet anma tato machi bay chihallaxicꞌo huneꞌ tuꞌ, yajaꞌ yet iscachni Comam anma tuꞌ caw ecꞌbalto ispujbacꞌoj.

San Marcos 8:1

Yin̈ huneꞌ tzꞌayic tuꞌ, caw hantan̈e anma cutxanico iscꞌatan̈ Comam Jesús, matxa xin tzet chislo anma, yuxin yawte Comam ebnaj iscuywom, yalni Comam:

San Lucas 23:41

Wal han̈on̈ tiꞌ, lan̈an yecꞌyaꞌ janma yu cotohlan istxꞌojal cowatxꞌe, wal yaꞌ tiꞌ, machi nino istxꞌojal iswatxꞌe yaꞌ, ẍi naj tet yetbi tuꞌ.

Hechos 14:11

Haxa yet yilni anma tzet iswatxꞌe naj Pablo tuꞌ, yah yaw anma yin̈ caw ip, yalni anma yin̈ abxubal chihallax bey txꞌotxꞌ Licaonia tuꞌ hacaꞌ tiꞌ: —Ilwecꞌanabi lah, ay cawan̈ codiosal mahul coxol mayuteco isba anmahil.