San Marcos 7:19 - Jakalteko

¹⁹ yuto mach yulo janma chiapni, to yul cocꞌul chiapni, lahwi tuꞌ xin cat yel jin̈? ẍi Comam. Haꞌ chal yelapno tuꞌ tato sunil tzet ye tuꞌ cꞌul coloni machi xin chon̈yetato yul sat Comam Dios.

San Marcos 7:19 ပူးပေါင်းရင်းမြစ်များ

San Mateo 15:17

¿Tom mach heyohtajoj ta sunil tzet chiocto yul istiꞌ anma yul iscꞌul chiapni, chilahwi tuꞌ xin cat yel yin̈?

San Marcos 7:18

Istakꞌwi Comam: —¿Tom haꞌ hunex mach maxetxum yin̈ tzet mawaltuꞌan? ¿Tom mach chetxumu tato sunil tzet chicolo mach chon̈yetato yul sat Comam Dios,

San Lucas 11:41

Yuxin haꞌ wal heyuten heba, aweco heyanma yul iskꞌab Comam, ta hac tuꞌ chisajbicano heyanma yu Comam, haxinwal cheyakꞌ tet mac matzet aya yin̈ tzalahilal.

Hechos 10:15

Yuxin yal huneꞌ yul nukꞌe tuꞌ hunelxa tet naj: —Sunil tzet sajxa ye yu Dios, mach chawal tzꞌilal, ẍi.

Hechos 11:9

Yalnipaxo wetan hunelxa: —Sunil tzet sajxa ye yu Comam Dios, mach chawala tato tzꞌil, ẍi wetan.

1 Corintios 6:13

Aypaxo mac chalni hacaꞌ tiꞌ: “Haꞌ tzet chicolo yet cocꞌul yehi, haꞌ cocꞌul tuꞌ xin yet tzet chicolo yehi,” ẍi. Yeli hac ton tuꞌ yehi, yajaꞌ tzet chicolo tuꞌ yeb cocꞌul tuꞌ chiapni istzꞌayical bay chitan̈ilo yu Comam Dios. Wal conimanil xin mach yeto ixloj maca winajlo yehi. Walxinto yetxa Comam Jesucristo Jahawil ye conimanil tiꞌ, yetxapaxo conimanil ye Comam.

Colosenses 2:16

Yuxin, ta choche ebnaj Israel cheyije isnabal ebnaj hacaꞌ yin̈ tzet chilolaxi, yeb yin̈ tzet chicꞌuxlaxi, yeb yin̈ tzꞌayic caw txahul yul sat ebnaj, maca yet chipitzcꞌa ixahaw, maca yin̈ tzꞌayic xewilal; caw mach chechah heyabe.