San Marcos 6:2 - Jakalteko

² Haxa yin̈ istzꞌayical xewilal, yoc Comam iscuyno anma yul capilla. Hayet yaben anma iscuywa Comam caw cꞌayilo iscꞌul, yalni anma tuꞌ hacaꞌ tiꞌ: —¿Baytuꞌwal bey naj tiꞌ iscuyu huntekꞌan tiꞌ? ¿Baytuꞌwal chiti naj ishelanil yeb yip iswatxꞌen huntekꞌan cꞌaybalcꞌule chisye tiꞌ?

San Marcos 6:2 ပူးပေါင်းရင်းမြစ်များ

San Mateo 4:23

Caw sunil yul ismajul Galilea ecꞌ Comam Jesús, iscuyni Comam anma yul hunun iscapilla ebnaj Israel, yalni Comam tzotiꞌ cꞌul yin̈ tzet chu yoc anma yul iskꞌab Comam Dios. Yakꞌni cawxo Comam anma yin̈ sunilal yabil ayco yin̈, yeb anma chiecꞌyaꞌ yanma.

San Mateo 7:28

Hayet lahwi istzotel Comam Jesús tuꞌ xin, caw sunil anma cꞌaycanocan̈ iscꞌul yaben iscuywa Comam,

San Marcos 1:39

Caw xin sunil yul ismajul Galilea ecꞌ Comam yalaꞌ Istzotiꞌ Comam Dios yulaj hunun iscapilla ebnaj Israel. Yinipaxilo Comam ischejab naj matzwalil yin̈ anma.

San Marcos 10:1

Lahwi tuꞌ, yel Comam Jesús yul con̈ob Capernaum, isto yul ismajul Judea yeb bey iskꞌaxepicꞌto haꞌ niman Jordán. Caw xin hantan̈e anma apni iscꞌatan̈ Comam, yoc Comam iscuyno anma tuꞌ hacaꞌticꞌa chuhi.

San Lucas 2:47

Wal xin, caw chicꞌay iscꞌul ebnaj chiꞌaben tzet chiyal naj nichꞌan Jesús tuꞌ yuto caw helan naj, yeb xin caw cꞌul ispaj istzotiꞌ ebnaj chiyakꞌ naj.

San Lucas 4:15

Iscuyni Comam anma yul hunun con̈ob yul iscapilla ebnaj Israel, caw sunil anma halni cꞌulla tzotiꞌ yin̈ Comam.

San Juan 6:42

Yalni ebnaj hacaꞌ tiꞌ: —¿Tom maẍtaj naj tiꞌ naj Jesús, iscꞌahol naj José? Caw johta mac ismam naj yeb ismiꞌ naj. ¿Tzet yin̈ yuxinto chal naj tato yul satcan̈ titna naj? ẍi ebnaj yin̈ Comam.

San Juan 7:15

Caw xin chicꞌay iscꞌul ebnaj Israel tuꞌ yaben tzet chal Comam. Chi-la-yalni ebnaj hacaꞌ tiꞌ: —¿Tzet chute huneꞌ naj tiꞌ yohtan̈enilo sunil huntekꞌan tiꞌ? Yaj mach cuywina naj, ẍi ebnaj yin̈ Comam.