San Marcos 5:42 - Jakalteko

⁴² Yin̈n̈ena tuꞌ yahwano ix nichꞌan tuꞌ, yichico ix yeqꞌui. Caw xin cablahon̈eb habil ix. Hayet yilni anma huneꞌ tuꞌ, caw toxan̈e chicꞌay iscꞌul.

San Marcos 5:42 ပူးပေါင်းရင်းမြစ်များ

San Marcos 1:27

Hayet yilni anma ayicto yul capilla huneꞌ tuꞌ caw xiwcan̈, iskꞌamben anma tet hunun: —¿Tzettaxca chalilo huneꞌ tiꞌ? Huntekꞌan cuybanile chal huneꞌ naj tiꞌ caw acꞌto, maẍto bay chijabe, yeb caw ay yip naj iscuywahi. Hayet chalni naj tato chiel ischejab naj matzwalil yin̈ anma, cat isyijen ebnaj tzet chal naj, ẍi anma yin̈ Comam.

San Marcos 4:41

Wal ebnaj iscuywom Comam tuꞌ caw xiw ebnaj, yalni ebnaj tet hunun: —¿Mac anmahil yaꞌ tiꞌ yuxin chisyije jakꞌekꞌ yeb ha haꞌ yin̈ tzet chal yaꞌ? ẍi ebnaj yin̈ Comam.

San Marcos 5:41

Yoc tzabno Comam yin̈ iskꞌab ix, yalni Comam tet ix: —Talita cumi, ẍi Comam. Haꞌ chal yelapno tuꞌ: “Hach nichꞌan tzꞌul, haninan chiwalan tawet, ahan̈wanoj.”

San Marcos 5:43

Yalni Comam tato chiakꞌlax waꞌo ix, yalnipaxo Comam tato mach bay chihallaxicꞌo huneꞌ tuꞌ.

San Marcos 6:51

Lahwi tuꞌ yahto Comam yul teꞌ barco, hayet ayxahto Comam yul teꞌ islin̈i yecꞌ jakꞌekꞌ, caw xin cꞌayilo iscꞌul ebnaj iscuywom Comam yilni huneꞌ tuꞌ.

San Marcos 7:37

Hayet yaben anma huneꞌ tuꞌ caw cꞌayilo iscꞌul, yalni anma: —Sunil tzet chiswatxꞌe Comam cꞌul chielicoj, chakꞌ hajlo Comam istxiquin ebnaj mach chabe, cat yakꞌni tzotelo Comam mac maẍticꞌa chu istzoteli, ẍi anma.