San Marcos 5:36 - Jakalteko

³⁶ Hayet yaben Comam yin̈ tzet yal ebnaj tuꞌ, yalni Comam tet naj Jairo: —Mach chawaco yin̈ hacꞌul, wal xin aco hawanma yin̈ Comam Dios, ẍi Comam.

San Marcos 5:36 ပူးပေါင်းရင်းမြစ်များ

San Mateo 17:20

Istakꞌwi Comam tet ebnaj: —Yuto hex tiꞌ ayto mach chiapni heyanico heyanma yin̈ Comam Dios. Yin̈ caw isyelal chiwalan teyet ta chicawxi hecꞌul yin̈ Comam Dios waxan̈ca txann̈e yeco heyanma yin̈ Comam hacaꞌn̈e hunu nichꞌan yin̈atil teꞌ mostaza, chu heyalni tet hunu witz hacaꞌ tiꞌ: “Heqꞌuilo haba bey tiꞌ, asiꞌ hunuxa bayah,” ta quexchi, chisyije huneꞌ witz tuꞌ tzet cheyala. Sunil chu hewatxꞌeni ta ayco heyanma yin̈ Comam Dios.

San Mateo 9:18

Hayet lan̈an yalni Comam Jesús huntekꞌan cuybanile tuꞌ, yapni huneꞌ naj yahawil yin̈ ebnaj Israel iscꞌatan̈ Comam, yalni naj tet Comam: —Mamin, ay huneꞌ nichꞌan incutzꞌinan lan̈anto iscamayoj, yaj ta chachto wintajan cat hawanayo hakꞌab yiban̈ ix, chihulcan̈ iscꞌul ix, ẍi naj tet Comam.

San Marcos 5:22

Lahwi tuꞌ, yapni huneꞌ naj chiyij Jairo iscꞌatan̈ Comam, yahawil yeco naj yin̈ capilla. Haꞌ yet yapni naj iscꞌatan̈ Comam yay jahno naj yich yoj Comam.

San Marcos 5:34

Yalni Comam tet ix: —Miyay, macachcawxinacan̈ yu maxawaco hawanma win̈an, paxan̈to yin̈ tzalahilal, cawachxa tinan̈, ẍi Comam.

San Marcos 9:23

Yalni Comam tet naj: —Tato chawayto yul hawanma, chuhi, yuto sunil mac chianayto yul yanma yin̈ Comam Dios sunil tzet chiskꞌana chij isba, ẍi Comam.

San Lucas 8:50

Hayet yaben Comam huneꞌ tuꞌ, yalni Comam tet naj Jairo: —Mach cachxiwi. Haꞌ huneꞌ wal hawuteni, ayto Comam Dios yul hawanma haxinwal chicawxocan̈ hacutzꞌin, ẍi Comam tet naj.

San Juan 11:40

Istakꞌwi Comam Jesús: —¿Tom machi mawalan tawet xin tato chawayto yul hawanma yin̈ tzet chiwalan, caw chawilaꞌ ishelanil yip Comam Dios? ẍi Comam tet ix.