San Marcos 4:26 - Jakalteko

²⁶ Yalnipaxo Comam Jesús: —Anma chioc yul iskꞌab Comam Dios, lahan hacaꞌ hunu naj chitxihnayo ixim trigo sat txꞌo txꞌotxꞌ.

San Marcos 4:26 ပူးပေါင်းရင်းမြစ်များ

San Mateo 13:11

Istakꞌwi Comam: —Teyetn̈e chakꞌ Comam Dios heyohtan̈elo huntekꞌan tzet ye tuꞌ ewan yehi, yun̈e hetxumni yin̈ tzet chu heyoc yul iskꞌab Comam Dios. Walpaxo tet huntekꞌanxa anma xin mach chꞌakꞌlax yohtan̈eloj.

San Mateo 13:24

Yalnipaxo Comam Jesús huneꞌ yechel hacaꞌ tiꞌ: —Hayet chioc Comam Dios yahawilo anma, lahan hacaꞌ chakꞌle hunu naj chitxihni ixim hin̈at trigo caw cꞌul sat istxꞌotxꞌ.

San Mateo 13:3

Caw txꞌiꞌal yechel yaco Comam yet iscuyni Comam anma tuꞌ, yichico Comam yalni hacaꞌ tiꞌ: —Yet hunel ay huneꞌ naj to txiho trigo.

San Mateo 13:31

Yanipaxico Comam Jesús yin̈atil teꞌ mostaza yechelo yet iscuywahi, yalni Comam hacaꞌ tiꞌ: —Chiwalpaxojan teyet yin̈ tzet chu ischꞌib isbisil anma chioc yul iskꞌab Comam Dios, lahan hacaꞌ nichꞌan yin̈atil teꞌ mostaza chistzꞌun hunu naj sat istxꞌotxꞌ.

San Mateo 13:33

Yanipaxico Comam Jesús yan̈al ixim pan yechelo yet iscuywa tet anma, yalni Comam tet anma tuꞌ: —Chiwalpaxojan teyet yin̈ tzet chu ischꞌib isbisil anma chaco isba yul iskꞌab Comam Dios. Lahan hacaꞌ nichꞌan yan̈al ixim pan chaco hunu ix ix xol oxeb mal ixim harina. Haxa yet chissomni ix ixim cat issipcꞌa ixim yu nichꞌan yan̈al chioqui, ẍi Comam.

San Mateo 3:2

Yalni naj tet anma apni bey tuꞌ: —Bejwecano hewatxꞌen istxꞌojal, yuto yocxa Comam Dios ay yul satcan̈ yahawo teyin̈, ẍi naj.

San Mateo 4:17

Haꞌ bey tuꞌ xin ichico Comam Jesús yalnicꞌo Istzotiꞌ Comam Dios, chalni Comam: —Bejwecano hewatxꞌen istxꞌojal yuto yocxa Comam Dios ay yul satcan̈ Yahawo teyin̈, ẍi Comam.

San Marcos 4:25

Yuto haꞌ mac chakꞌ yanma istxumni, chakꞌpaxo Comam yakꞌbil tet, yajaꞌ wal mac mach chicam iscꞌul istxumni, haꞌ nichꞌan etza chitxumchalo yu chiilaxilo tet, ẍi Comam.

San Marcos 4:27

Waxan̈ca chiway naj akꞌbalil cat yahwano naj tzꞌayical, yajaꞌ ixim hin̈at tuꞌ chul iscꞌul ixim cat ischꞌib ixim; mach yohtajo naj yin̈ tzet chu ischꞌib ixim.

San Lucas 13:18

Yalnipaxo Comam Jesús: —¿Tzet chu ischꞌib isbisil anma chꞌoc yul iskꞌab Comam Dios, heyalni? ¿Baytet yeb cꞌul inlahbanan?

San Lucas 8:11

Yalnipaxo Comam Jesús: —Wal xin, chiwalan teyet yin̈ tzet chalilo huneꞌ yechel mawaltiꞌan. Haꞌ ixim hin̈at trigo, yechel Istzotiꞌ Comam Dios ye ixim.

San Lucas 8:5

—Ay huneꞌ naj to txiho trigo. Hayet lan̈an istxihni naj ixim trigo tuꞌ, ay ixim apni cꞌatna yul beh. Haꞌ ixim tuꞌ ton̈e xan̈laxto ixim yu anma. Haxa xin noꞌ chꞌic hul sicꞌnocan̈ ixim.

San Juan 12:24

Caw isyelal chiwalan teyet, kꞌinalo tato mach chitzꞌunlax hunu hin̈at trigo sat txꞌotxꞌ cat iskꞌato ixim, machom chul iscꞌul ixim. Yaj tato chikꞌato ixim, wal tuꞌ chihul iscꞌul ixim, caw xin niman sat ixim chakꞌa.

Santiago 3:18

Ta akꞌancꞌulal chicowatxꞌe, chicochah ispaj, haꞌ ton istoholal.