San Marcos 4:24 - Jakalteko

²⁴ Yalnipaxo Comam: —Cam cheyabe tzet chiwaltiꞌan yuto hacaꞌ heyanico yin̈ heyanma heyabeni, hac tuꞌ chu yakꞌni Comam Dios hetxumuꞌ, caw xin ecꞌbalto chu yakꞌni Comam hetxumuꞌ.

San Marcos 4:24 ပူးပေါင်းရင်းမြစ်များ

San Mateo 7:2

Yuto hacaꞌticꞌa chu heyilni tzet ye heyet anmahil, hac tuꞌ chu quexyilnipaxo Comam. Wal xin hacaꞌticꞌa hemal cheyacoj yet cheyilni tzet yeco hunu heyet anmahil, haꞌticꞌa xin chexmalenpaxo yu Comam.

San Marcos 9:7

Lahwi tuꞌ yayilo huneꞌ moyan yiban̈ ebnaj, yaben ebnaj huneꞌ yul nukꞌe xol moyan tuꞌ, yalni hacaꞌ tiꞌ: —Haꞌ naj tiꞌ Incꞌaholan caw xahan ay wuhan, abewe tzet chal naj, ẍi.

San Lucas 8:18

Yuxin chi-cam-walan heyabeꞌ, haꞌ mac choche istxumuloj, caw chiꞌakꞌlax yohtan̈eloj. Walpaxo mac mach chiyoche istxumulo huntekꞌan tiꞌ, haꞌ nichꞌan tzet etza chinachalo yu, chiꞌilaxilo tet, ẍi Comam.

San Juan 10:16

Aypaxo huntekꞌan anma chinchahnihan yul yanma, ton̈e xin caw mach jet con̈oboj. Caw yilal winitijan cat xin yoc isyijeno cuybanile chiwaltiꞌan, caw xin hunxan̈e chucanoj yeb hunxan̈e mac chitan̈eni.

San Juan 10:27

Macta caw wetan yehi, caw chishajba istxiquin yin̈ tzet chiwalan; caw xin wohtapaxojan huneꞌ mac tuꞌ. Hacaꞌticꞌa chiyu yoc tzujno noꞌ meꞌ yinta istan̈emal, hacpax tuꞌ chiyu yoc tzujno wintajan.

San Juan 5:25

Wal hanin Iscꞌahol Comam Dios wetiꞌan, caw chiwalcanojan teyet tato chihul istiempohal, haꞌ ton tinan̈ yet chaben anma camom wawihan; haꞌ mac chiaben tzet chiwaltiꞌan xin chischah iskꞌinal mach istan̈bal.

Hechos 17:11

Ecꞌna caw cꞌulto isnabal anma Israel ay bey con̈ob Berea tuꞌ sata anma Israel ay bey con̈ob Tesalónica. Caw yaco ebnaj yin̈ iscꞌul yaben Istzotiꞌ Comam Dios yal ebnaj cawan̈ tuꞌ. Caw xin hunun tzꞌayic iscuyni ebnaj Istzotiꞌ Comam yun̈e yilni ebnaj ta caw yel tzet chal naj Pablo tuꞌ.

2 Corintios 9:6

¿Tom mach cheyohtajo huneꞌ tiꞌ xin?: Haꞌ mac hanicꞌn̈e yawal chacoj, hanicꞌn̈eticꞌapaxo isn̈al chishatxꞌpaxocan̈. Walpaxo mac niman yawal chacoj caw niman isn̈al chishatxꞌcan̈.

Hebreos 2:1

Yuxin caw yilal janico conabal yin̈ huntekꞌan cuybanile abebilxaticꞌa ju, haxinwal mach chicoheqꞌuilo coba yin̈.

1 Pedro 2:2

Ta caw yeli xaheyohtan̈elo sicꞌlebil ta cꞌul Comam Dios jin̈, hacaꞌojab yochen huno nichꞌan neneꞌ yim ismiꞌ, hacojab tuꞌ heyochen huneꞌ cuybanile yet Comam Dios mach sombiloj, hac tuꞌ xin cheyikꞌ heyip yin̈ hecolbanil.

1 Juan 4:1

Wuẍtaj wanab, tato ay ebnaj chiecꞌ halnoj tato caw ischejab Comam Dios yehi, caw mach ton̈eo cheyayto tzet chal ebnaj tuꞌ yul heyanma. Caw babel cheyabe istzotel ebnaj tato Istzotiꞌ Comam Dios chal ebnaj, yuto caw txꞌiꞌal ebnaj lekꞌtiꞌwom chalni tato ischejab Comam Dios yehi.