San Marcos 2:27 - Jakalteko

²⁷ Yacano Comam Dios tzꞌayic xewilal yu iscꞌulal yin̈ anma, maẍtaj yu coyijen tzꞌayic xewilal yuxin watxꞌicano yu Comam Dios.

San Marcos 2:27 ပူးပေါင်းရင်းမြစ်များ

San Marcos 2:28

Hanin Akꞌbilintijan texol yu Comam Dios, chu walnihan yin̈ tzet cheyu yin̈ tzꞌayical xewilal, ẍi Comam Jesús.

San Lucas 6:9

Lahwi tuꞌ xin, yalni Comam Jesús tet ebnaj: —Ay huneꞌ tzet chinkꞌambehan teyet, ¿baytet hunu chisje cowatxꞌen yin̈ istzꞌayic xewilal cheyabe, ham iscꞌulal mato istxꞌojal? ¿Chimyu jakꞌni cawxo anma mato jakꞌni camoj? ẍi Comam tet ebnaj.

San Juan 7:23

Walex hex tiꞌ, istzꞌayicalojab xewilal masan cheyakꞌ circuncidar niẍte unin yun̈e mach cheman̈cꞌo isley naj Moisés heyalni. Tato caw hac tuꞌ cheyute, ¿tzet yin̈ yuxinto caw chichiwa hecꞌul win̈an yuto yet istzꞌayical xewilal wakꞌni cawxojan huneꞌ naj?

2 Corintios 4:15

Caw chijakꞌlehan̈ huntekꞌan isyaꞌtajil tiꞌ yu iscꞌulalo teyin̈, yeb yun̈e txꞌiꞌal mac chichahni iscꞌulchꞌanil iscꞌul Comam Dios, haxinwal txꞌiꞌal mac chiakꞌnipaxo yuchꞌandiosal tet Comam, hac tuꞌ chu yoc ismay Comam.

Colosenses 2:16

Yuxin, ta choche ebnaj Israel cheyije isnabal ebnaj hacaꞌ yin̈ tzet chilolaxi, yeb yin̈ tzet chicꞌuxlaxi, yeb yin̈ tzꞌayic caw txahul yul sat ebnaj, maca yet chipitzcꞌa ixahaw, maca yin̈ tzꞌayic xewilal; caw mach chechah heyabe.