San Marcos 2:19 - Jakalteko

¹⁹ Istakꞌwi Comam tet ebnaj: —Kꞌinaloj hunu mohyilal tinan̈, ¿tom chakꞌle anma awtebil tuꞌ wahil yet aycꞌo naj mohyom xol anma tuꞌ? Machoj, wal xin mach chu yijlen anma tuꞌ wahil ta aycꞌo naj mohyom tuꞌ.

San Marcos 2:19 ပူးပေါင်းရင်းမြစ်များ

San Mateo 9:15

Yalni Comam tet ebnaj: —Kꞌinalo tato ay hunu mohyilal tinan̈, aypaxo xin anma awtebil yin̈ mohyilal tuꞌ. ¿Tom xin chioc anma tuꞌ yijle wahil yet aycꞌo naj mohyom tuꞌ? ¡Machoj! Wal xin hato yet chiapni istiempohal yilaxilo naj mohyom tuꞌ xol anma, catto yoc anma yin̈ yijlen wahil, ẍi Comam.

San Marcos 2:18

Yet hunel ayco ebnaj iscuywom naj Juan anican̈ haꞌ iswiꞌ anma yeb ebnaj fariseo isyijen yet mach chiwaꞌ ebnaj yu istxahli tet Comam Dios, yuxin apni huntekꞌan ebnaj iskꞌambeꞌ tet Comam Jesús: —¿Tzet yin̈ xin mach chisyije ebnaj hacuywom tiꞌ yin̈ yet mach chon̈waꞌi yu cotxahli tet Comam Dios? ẍi ebnaj.

San Marcos 2:20

Yajaꞌ chiapni istiempohal bay chiilaxilo naj mohyom tuꞌ catto yoc anma isyijen huneꞌ yet mach chon̈waꞌi yu cotxahli tet Comam Dios.