San Marcos 15:4 - Jakalteko

⁴ Yuxin iskꞌambe naj Pilato tet Comam: —¿Tzet yin̈ xin mach chachtakꞌwi? ¿Tom mach chawabe hanta tzet chisbalcan̈ ebnaj hamuluj? ẍi naj.

San Marcos 15:4 ပူးပေါင်းရင်းမြစ်များ

San Mateo 26:62

Yah lin̈no naj yahawil yin̈ ebnaj sacerdote, yalni naj tet Comam: —¿Tzet yin̈ xin mach chaẍtakꞌwi? ¿Tzet ye huntekꞌan chal ebnaj tiꞌ tawin̈? ẍi naj.

San Mateo 27:13

Yuxin yal naj Pilato tet Comam: —¿Tom mach chawabe tzet chal ebnaj tiꞌ tawin̈? ẍi naj.

San Marcos 15:3

Yajaꞌ wal ebnaj iswiꞌehal yin̈ ebnaj sacerdote caw ayco ebnaj yalni txꞌiꞌal tzet ye tuꞌ ismulo Comam.

San Marcos 15:5

Wal Comam xin mach takꞌwi Comam, yuxin caw cꞌayilo iscꞌul naj Pilato tuꞌ.

San Juan 19:10

Yuxinto yal naj tet Comam: —¿Tzet yin̈ yuxinto mach chaẍtakꞌwi wetan? ¿Tom mach hawohtajoj tato ay wipan cachinbejtzonan, maca xin cachwanican̈an yin̈ culus? ẍi naj tet Comam.