San Marcos 14:14 - Jakalteko

¹⁴ Haꞌ bay chꞌapni naj xin chekꞌambe tet naj yahaw n̈a tuꞌ: “¿Baytuꞌwal ay huneꞌ cuarto bay chiwaꞌ yaꞌ cuywawom yeb iscuywom yin̈ kꞌin̈ Pascua?” quexchi.

San Marcos 14:14 ပူးပေါင်းရင်းမြစ်များ

San Marcos 10:17

Haxa yet lan̈an isto Comam Jesús yin̈ isbel xin, yapni huneꞌ naj yin̈ an̈e iscꞌatan̈ Comam, yay jahno naj sata Comam, iskꞌamben naj: —Mam cuywawom, hach tiꞌ caw cꞌulach, ¿tzet wal wuten inbahan yun̈e inchahnihan kꞌinale mach istan̈bal? ẍi naj.

San Marcos 11:3

Ta ay mac chikꞌamben teyet: “¿Tzet yin̈ xin chepuhilo noꞌ?” ta ẍi, cheyala: “To ay chiocnico noꞌ yu Comam, yajaꞌ pet chon̈hulan̈ jakꞌaꞌcanojan̈ noꞌ,” quexchi, ẍi Comam.

San Marcos 14:13

Ischejnito Comam cawan̈ ebnaj iscuywom, yalni Comam tet ebnaj: —Asiꞌwe yul con̈ob, hayet chexapno bey tuꞌ cheyilno huneꞌ naj ikꞌbil huneꞌ tzꞌahab haꞌ yu, chexoco tzujno yinta naj.

San Marcos 14:15

Haꞌ naj xin chiyeno huneꞌ cuarto caw nimajal teyet, ayco yin̈ iscab piso, caw cꞌulxa yehi. Haꞌ bey tuꞌ xin chewatxꞌe tzet chicolo, ẍi Comam.

San Lucas 22:11

cat heyalno tet naj yahaw n̈a tuꞌ: “Haꞌ yaꞌ cuywawom macon̈chejnitijan̈, ẍi yaꞌ hacaꞌ tiꞌ: ‘¿Baytuꞌwal ay huneꞌ cuarto bay chinwaꞌojan yin̈ kꞌin̈ Pascua yeb ebnaj incuywoman?’” ẍi yaꞌ, quexchi.

San Juan 11:28

Lahwi yalni ix Marta hacaꞌ tuꞌ, isto ix yawtenoti isnoh, yalni ix tet ix yin̈ ewantajil: —Aycꞌo Comam cuywawom bey tiꞌ, chachyawte Comam, ẍi ix tet ix María.

San Juan 13:13

Yalnipaxo Comam: —Walex hex tiꞌ, chinheyalan hecuywawomal yeb xin heyahawiloj. Wal xin caw yel cheyala, istꞌin̈anil ton huneꞌ tuꞌ.

Apocalipsis 3:20

Hanintiꞌan lin̈an inicojan sat pulta cat wawictojan, haꞌ mac chiaben yul innukꞌan cat ishajni yatut wetan, chinoctojan iscꞌatan̈ cat inwaꞌan yebi.