San Marcos 12:34 - Jakalteko

³⁴ Hayet yaben Comam tato cꞌul yu istakꞌwi naj, yalni Comam tet naj: —Hach tiꞌ cawilxa haweco hawoc yul iskꞌab Comam Dios, ẍi Comam. Matxa hunuxa mac kꞌamben hunuxa tzet ye tuꞌ tet Comam yuto machi mac yihti yanma yin̈ iskꞌamben tet Comam.

San Marcos 12:34 ပူးပေါင်းရင်းမြစ်များ

San Mateo 12:15

Hayet yabenilo Comam Jesús huneꞌ tuꞌ, isto Comam. Caw hantan̈e anma oc tzujno yinta Comam; yakꞌni cawxo Comam macta yaꞌay.

San Mateo 12:20

Ay anma caw cꞌanchꞌan hacaꞌ teꞌ ah kꞌahnatoj, maca hacaꞌ teꞌ tah ton̈e chimutzꞌmun xaj kꞌaꞌ yin̈ hac tuꞌ yehi. Yajaꞌ haꞌ naj xin chicolwa yin̈; mach chislah naj yetantoj. Hac tuꞌ chute naj masanta chioc sunil yalan̈ istoholal yu naj.

San Mateo 22:46

Machi hunu ebnaj yu istakꞌwi yin̈ tzet yal Comam. Haꞌticꞌa yin̈ huneꞌ tzꞌayic tuꞌ xin matxaticꞌa hunu ebnaj hitzico iskꞌamben hunu tzet ye tuꞌ tet Comam.

San Lucas 20:40

Lahwi tuꞌ xin matxa hunu ebnaj yakꞌ iskꞌambebal tet Comam.

Romanos 7:9

Yet maẍto wohtajojan ley tuꞌ caw itzitzinan, yajaꞌ yet wohtan̈enilojan ley tuꞌ intxumnilojan ta camominan yul sat Comam Dios.

Gálatas 2:19

Wal hanintiꞌan camnajinxalojan yin̈ ley. Haꞌ huneꞌ ley tuꞌ quinakꞌni camojan yun̈e caw witzitzbilojan yin̈ Comam Dios.

Colosenses 4:6

Hayet chextzotel tet anma, haꞌojab tzotiꞌ caw cꞌul cheyal tet, huntekꞌan tzotiꞌ caw chiyoche yabeꞌ, yeb xin tzꞌajanojab cheyute hecꞌul hetxumnilo ispaj iskꞌambebal chiyakꞌ teyet.