San Marcos 1:38 - Jakalteko

³⁸ Istakꞌwi Comam tet ebnaj: —Ton̈we yulaj con̈ob ayco yin̈ ishoyanil con̈ob tiꞌ, yuto yilal walnipaxojan Istzotiꞌ Comam Dios tet anma, yu ton huneꞌ tuꞌ yuxin quinhulan, ẍi Comam.

San Marcos 1:38 ပူးပေါင်းရင်းမြစ်များ

San Marcos 1:37

Hayet yilcha Comam yu ebnaj, yalni ebnaj tet Comam: —Mamin, sunil anma lan̈an cachissaynicꞌoj, ẍi ebnaj.

San Marcos 1:39

Caw xin sunil yul ismajul Galilea ecꞌ Comam yalaꞌ Istzotiꞌ Comam Dios yulaj hunun iscapilla ebnaj Israel. Yinipaxilo Comam ischejab naj matzwalil yin̈ anma.

San Lucas 2:49

Istakꞌwican̈ naj nichꞌan Jesús: —¿Tzet yin̈ nan bay chinhesayicꞌojan? ¿Tom mach heyohtajo tato yul yatut Inmaman caw yilal incanan? ẍi naj tet ismiꞌ tuꞌ.

San Lucas 4:43

Yalni Comam tet anma: —Yilal wecꞌan walnocꞌojan Tzotiꞌ cꞌul yin̈ tzet chu yoc anma yul iskꞌab Comam Dios yul huntekꞌanxa con̈ob, yu huneꞌ tuꞌ yuxin Akꞌbilintijan, ẍi Comam.

San Juan 16:28

Iscꞌatan̈ Inmaman quintitan yet wulan yul sat yiban̈kꞌinal tiꞌ. Wal tinan̈ xin chinelan yul sat yiban̈kꞌinal tiꞌ, cat intohan iscꞌatan̈ Inmaman hunelxa, ẍi Comam.

San Juan 17:4

Caw xainyelojan hawip yul sat yiban̈kꞌinal tiꞌ, yuto xainlahan munil hawakꞌ inwatxꞌehan.

San Juan 17:8

Cuybanile hawakꞌ wetan, caw xawalan yabeꞌ ebnaj, ischahni ebnaj yul yanma. Yuxinto caw yohta ebnaj tato caw yeli tacꞌatan̈ titnajinan. Caw ischayto ebnaj yul yanma tato hach an̈eintijan.

San Juan 9:4

Caw yilal inwatxꞌenan ismunil Comam an̈eintijan yakꞌ isba tzꞌayical to yucꞌaꞌ chiah akꞌbal yet matxa chu comunlahi.