San Marcos 1:30 - Jakalteko

³⁰ Yajaꞌ xin hilanto ismiꞌ yixal naj Simón sat txꞌat yu kꞌaꞌ. Yallax tet Comam tato hilanto ixnam.

San Marcos 1:30 ပူးပေါင်းရင်းမြစ်များ

San Mateo 8:14

Lahwi tuꞌ xin, isto Comam Jesús yatut naj Pedro. Yet yapni Comam yilni tato hilanto ismiꞌ yixal naj Pedro tuꞌ sat txꞌat yu huneꞌ niman kꞌaꞌ.

San Marcos 1:29

Lahwi yelti Comam Jesús yul capilla, isto Comam yeb naj Jacobo, yeb naj Juan bey yatut naj Simón yeb naj Andrés.

San Marcos 1:31

Ishitzico Comam istiꞌ istxꞌat ixnam, yoc tzabno Comam yin̈ iskꞌab ixnam tuꞌ, isxecnican̈ Comam ixnam. Yin̈n̈ena tuꞌ xin yel huneꞌ kꞌaꞌ yin̈ ixnam, yoc ixnam iswatxꞌeno tzet chislo Comam Jesús yeb ebnaj iscuywom.

San Marcos 5:23

Yoc naj iskꞌanno tet Comam hacaꞌ tiꞌ: —Mamin, ay huneꞌ nichꞌan incutzꞌinan lan̈anxa iscami, estam chachto nino wintajan cat hawanayo hakꞌab yiban̈ ix haxinwal chicawxican̈ ix, hac tuꞌ xin mach chicam ix, ẍi naj.

San Juan 11:3

Ebix cawan̈ yanab naj Lázaro tuꞌ xin, yato ebix tzotiꞌ tet Comam Jesús hacaꞌ tiꞌ: —Mamin, caw txꞌoj ye iscꞌul conohan̈, naj caw xahan ay hawu, ẍito ebix tet Comam.

1 Corintios 9:5

Kꞌinalo ta ay hunu ix janab chioc wixalojan tinan̈, ¿tom mach chu winicꞌojan ix wintajan hacaꞌ chu naj Pedro yeb huntekꞌanxa ebnaj ischejab Comam Jesucristo, yeb ebnaj yuẍta Comam?