San Lucas 9:35 - Jakalteko

³⁵ Haꞌ xol huneꞌ moyan tuꞌ yabe ebnaj huntekꞌan tzotiꞌ hacaꞌ tiꞌ: —Haꞌ naj tiꞌ Incꞌaholan sicꞌbililo wuhan, abewe tzet chal naj, ẍi.

San Lucas 9:35 ပူးပေါင်းရင်းမြစ်များ

San Mateo 12:18

Haꞌ naj tiꞌ inchejaban sicꞌbilico wuhan, caw xahan ay wuhan, caw chintzalahan yin̈ naj. Chiwacojan Wespírituhan yin̈ naj cat ispujbanicꞌo naj tetej con̈ob mach Israelo yin̈ tzet chu isbeybaln̈en istoholal.

San Mateo 3:17

Yabelax huneꞌ yul nukꞌe satcan̈, halni hacaꞌ tiꞌ: —Haꞌ naj tiꞌ Incꞌaholan, caw xahan ay wuhan, caw chintzalahan yin̈ naj, ẍiaytij.

San Marcos 1:11

Yabelax huneꞌ yul nukꞌe yul satcan̈, halni hacaꞌ tiꞌ: —Hach tiꞌ, hach Incꞌaholan caw xahan ay wuhan, caw chintzalahan tawin̈, ẍiaytij.

San Lucas 3:22

yayilo Comam Espíritu Santo yiban̈ Comam hacaꞌ hunu noꞌ palamuch. Lan̈antoticꞌa xin yabelax huneꞌ yul nukꞌe satcan̈, yalni hacaꞌ tiꞌ: —Hach tiꞌ hach Incꞌaholan, caw xahan ayach wuhan. Caw chintzalahan tawin̈, ẍiaytij.

San Lucas 9:34

Lan̈antoticꞌa yalni naj Pedro huneꞌ tiꞌ, yul huneꞌ moyan yen̈elo ebnaj. Caw xiwcan̈ ebnaj iscuywom Comam tuꞌ yet yoc hoyno huneꞌ moyan yin̈ ebnaj.

San Juan 12:28

Mam, yeloj tato caw aycano yelapno hawehi, ẍi Comam. Lahwi tuꞌ xin yabelax huneꞌ yul nukꞌe satcan̈, yalni hacaꞌ tiꞌ: —Caw xainyelojan tato caw aycano yelapno wehan, yaj chinyelojan hunelxa, ẍiayti yul satcan̈.

San Juan 3:16

Wal xin, caw xahancano ay anma ay yul sat yiban̈kꞌinal tiꞌ yu Comam Dios, yuto yati Comam hunpilan Iscꞌahol coxol, yuxinto macn̈eticꞌa chichahni yul yanma, mach chicꞌaytoj, to caw chischah huneꞌ iskꞌinal mach istan̈bal.

Hebreos 2:3

Hajxamon̈ chal tuꞌ, ¿tzettaxca chu cocolcha tet isyaꞌtajil ta mach chicam cocꞌul yin̈ huneꞌ cocolbanil caw niman yelapnoj? Yuto haꞌ caw Comam Jahawil halni huneꞌ Tzotiꞌ yet colbanile tiꞌ yin̈ babelal, haxa ebnaj abeni, haꞌ ebnaj akꞌni johtan̈elo yin̈ caw isyelal.

Hebreos 3:15

Yuto chal yul Yum Comam Dios: Tato cheyabe tzet chiwalan tinan̈ hanin heDiosal intiꞌan, mach cheyakꞌ cawbolo heyanma hacaꞌ yute anma man̈cꞌon yin̈ tzet walan, ẍiayoj.

Hebreos 5:9

Yu isyijemal Comam tuꞌ yuxin akꞌlax ismunil yakꞌni colbanil mach istan̈bal tet macta chiyijen tzet chal Comam.