San Lucas 22:56 - Jakalteko

⁵⁶ Ay xin huneꞌ ix munlawom bey tuꞌ, ilni naj Pedro yet tzꞌon̈anico naj yin̈ kꞌaꞌ. Yoc tꞌan̈no ix yin̈ naj, yalni ix: —Huneꞌ naj tiꞌ, yetbi isba naj yeb naj Jesús, ẍi ix.

San Lucas 22:56 ပူးပေါင်းရင်းမြစ်များ

San Mateo 26:69

Yet tzꞌon̈anayo naj Pedro istiꞌ yamakꞌil teꞌ n̈a tuꞌ, ishitzico huneꞌ ix chejab iscꞌatan̈ naj, yalni ix: —Hach tiꞌ hawetbi haba yeb naj Jesús ah Galilea, ẍi ix.

San Marcos 14:17

Haxa yet lan̈anxa yay numna xin yapni Comam yeb ebnaj cablahon̈wan̈ iscuywom yul huneꞌ cuarto tuꞌ.

San Marcos 14:6

Yajaꞌ xin yal Comam: —¿Tzet yin̈ xin cheyakꞌ hetiꞌ yin̈ ix? Mach checach ix yuto huneꞌ maswatxꞌe ix win̈tiꞌan caw cꞌul.

San Marcos 8:25

Yanico Comam iskꞌab yin̈ sat naj hunelxa, caw iswatxꞌilo yilni naj, xin habanxa yilni naj sunil tzet ye tuꞌ cawil yeb nahat.

San Lucas 22:55

Yanico xin ebnaj tuꞌ iskꞌaꞌ yictabal yamakꞌil teꞌ n̈a, yoc tzꞌon̈no ebnaj kꞌaẍnoj. Ocpaxo tzꞌon̈no naj Pedro kꞌaẍno xol ebnaj.

San Lucas 22:57

Hayet yaben naj Pedro huneꞌ tuꞌ, yalni naj: —Mach wohtajojan naj chawal tuꞌ, ẍi naj tet ix.

San Juan 18:17

Yalni ix chitan̈en yocto anma yul huneꞌ pulta tuꞌ tet naj Pedro: —¿Tom maẍtaj hunach chaẍcuywi yinta huneꞌ naj tiꞌ? ẍi ix tet naj. Istakꞌwi naj Pedro tuꞌ tet ix: —Machoj, maẍtajinan, ẍi naj.