San Lucas 22:33 - Jakalteko

³³ Yalni naj Pedro tuꞌ tet Comam: —Mamin, caw hinaninan intohan tawintaj, waxan̈ca yul preso maca yin̈ camical, ẍi naj.

San Lucas 22:33 ပူးပေါင်းရင်းမြစ်များ

San Mateo 20:22

Istakꞌwi Comam: —Hex tiꞌ mach heyohtajo tzet chekꞌana. ¿Chimyu heyucꞌni huneꞌ vaso ha haꞌ caw cꞌah hacaꞌ huneꞌ chiwucꞌan? ẍi Comam. Istakꞌwi ebnaj: —Hoꞌ, chu jucꞌnihan̈, ẍi ebnaj.

San Marcos 14:29

Yalni naj Pedro tet Comam: —Mamin, waxan̈ca sunil mac chiinilo yanma tawin̈, walinan machoj, ẍi naj.

San Marcos 14:31

Islahnico naj Pedro, yalni: —Waxan̈ca chinakꞌlax camojan tawintaj yajaꞌ mach chiwalan ta mach cachwohtajojan, ẍi naj tet Comam. Sunil xin ebnaj iscuywom Comam halni hacaꞌ tuꞌ.

San Lucas 22:34

Yalni Comam Jesús tet naj xin: —Pedro, chiwalan tawet, yalan̈to maẍto chiꞌokꞌ noꞌ icham chiyo, oxelxa chawala ta mach quinhawohtajojan, ẍi Comam tet naj.

San Lucas 22:57

Hayet yaben naj Pedro huneꞌ tuꞌ, yalni naj: —Mach wohtajojan naj chawal tuꞌ, ẍi naj tet ix.

San Juan 13:38

Istakꞌwi Comam: —¿Caw yelmi chawala? ¿Caw hinan hachmi hawakꞌni camo haba win̈an? Wal xin yin̈ isyelal chiwalan tawet, caw oxelxa chawala tato mach quinhawohtajojan yalan̈to maẍto chiokꞌcan̈ noꞌ icham chiyo, ẍi Comam tet naj.

Hechos 21:13

Yaj xin takꞌwi naj Pablo: —¿Tzet yin̈ yuxin chexokꞌi, cat heyanico biscꞌulal yin̈ wanmahan? Wal intiꞌan caw hinaninan, waxan̈ca chiniscꞌalbahan ebnaj, walca xin chinmakꞌlaxpaxo camojan yul con̈ob Jerusalén, yaj yu walnicꞌojan Istzotiꞌ Comam Jesucristo Jahawil, ẍi naj Pablo jetan̈.