San Lucas 12:37 - Jakalteko

³⁷ Caw sakꞌal yet ebnaj chejab elna iswayan̈ yet chꞌapni ispatrón tuꞌ. Chiwalan teyet, caw yin̈ an̈e chishelilo xil iskꞌap naj patrón, cat yawten naj ebnaj waꞌo sat meẍa; haꞌ caw naj chibatxnicꞌo tzet chislo ebnaj tuꞌ.

San Lucas 12:37 ပူးပေါင်းရင်းမြစ်များ

San Mateo 24:42

Caw majwahan̈wej, yuto mach heyohtajo tzet tzꞌayical chinhulan, hanin Heyahaw intiꞌan.

San Lucas 12:36

Lahanojab cheyute heba hacaꞌ ebnaj chejab chismaj yul ispatrón chibey yin̈ hunu mohyilal. Hayet chꞌapni naj bey yatut cat yahwi naj. Caw yin̈ an̈e xin chishaj ebnaj pulta tet naj patrón tuꞌ.

San Lucas 12:43

Caw sakꞌal yet naj ta lan̈an isyijen naj hacaꞌ tzet halbilcano tet yet chꞌapni naj yahaw munil.

San Lucas 17:8

¡Machoj! To haꞌ cheyal tet naj: “Watxꞌe tzet chinlohan, chilahwi tuꞌ, cat hawoc habatxꞌnicꞌo tzet chiwochehan, chilahwo inwaꞌcanojan xin, cat hawaꞌo hach tiꞌ,” quexchi.

San Lucas 21:36

Yuxin caw majwan̈wej, txahlan̈we yin̈ sunilbal tiempo, haxinwal chu hecolni heba yalan̈ huntekꞌan tzet chihul tuꞌ, haxinwal mach chexxiw yet chexoc lin̈no insatajan, Hanin Akꞌbilintijan texol yu Comam Dios, ẍi Comam Jesús.

San Lucas 22:27

Kꞌinalo ta ay huneꞌ niman wah chioqui, ¿mactaxca caw niman yelapno ye heyalni? ¿Tom haꞌ naj ayco sat meẍa, mato haꞌ naj chibatxnicꞌo itah? Wal xin, haꞌ ton naj ayco sat meẍa caw niman yelapnoj. Yajaꞌ walinan, ayinicojan texol hacaꞌ naj chibatxnicꞌo itah.

San Juan 12:26

Tato ay mac chiyijen tzet chiwalan, ocojab tzujno wintajan. Yuxinto haꞌ bay ayinan, haꞌ tuꞌ chiehpaxo mac caw yijem chute isba wettiꞌan; haꞌ xin Inmaman chihalni iscꞌulal yin̈, ẍi Comam.

1 Corintios 2:9

Wal xin tzꞌibn̈ebilcano yul Yum Comam Dios hacaꞌ tiꞌ: Ay huntekꞌan tzet watxꞌebilxa yu Comam Dios tet mac chiochen Comam. Huneꞌ tuꞌ maẍto hunu mac xailni, yeb xaabeni, maẍtopaxo mac xaecꞌ isnabal yin̈, ẍiayoj.

Filipenses 1:21

Yuto yulbal yet itzitzinan, han̈cꞌan̈e ismunil Comam Cristo ayco yin̈ wanmahan inwatxꞌenan; taca chincaman xin ecꞌbal caw cꞌul chinelicojan.

2 Pedro 1:11

Hac tuꞌ xin chꞌakꞌlax sunil iscꞌulchꞌanil Comam jet, cat joccano yin̈ huneln̈e yul iskꞌab Comam Jesucristo Jahawil, Cocolomalpaxoj.

2 Pedro 3:14

Yuxin hex xahan ay wuhan, yulbal ayexico heyechman huntekꞌan tzet ye tuꞌ chihuli, aweco yin̈ hecꞌul hewatxꞌen iscꞌulal, haxinwal hayet chul Comam ayexico yin̈ akꞌancꞌulal machi nino hemul yeb istxꞌojal chilchalo teyin̈.

Apocalipsis 14:13

Lahwi tuꞌ wabenan huneꞌ yul nukꞌe awi yul satcan̈, yalni wetan hacaꞌ tiꞌ: —Tzꞌibn̈ecano huneꞌ tiꞌ: “Sakꞌal yet mac chicam yin̈ ismunil Comam Dios yin̈ tzꞌayic chihul cosata tiꞌ,” ẍi. Yalnipaxo Comam Espíritu hacaꞌ tiꞌ: “Hoꞌ caw yeli, huntekꞌan anma chicam tuꞌ chixew yin̈ sunil ismunil. Sunil iscꞌulal iswatxꞌe yul sat yiban̈kꞌinal tiꞌ chiakꞌlax ispaj selel tet yu Comam,” ẍi Comam Espíritu, ẍi yul satcan̈.

Apocalipsis 16:15

Yalni Comam oc xahanbalil hacaꞌ tiꞌ: —Abewe tzet chiwalan, chinapni lemnahan hacaꞌ chiyu yapni hunu elkꞌom. Sakꞌal yet mac chimajwahi yeb chisyaꞌiln̈e xil iskꞌap yun̈e mach chiecꞌ tꞌiltꞌoni cat yel istxꞌixobal sata anma, ẍi Comam.

Apocalipsis 3:21

Haꞌ mac chikꞌoji isyijeni chiwakꞌan huneꞌ yehobal bay tzꞌon̈aninan, hacaꞌ yu inkꞌojihan, woc tzꞌon̈nojan iscꞌatan̈ Inmaman bay ay istzꞌon̈obal.

Apocalipsis 7:17

Yuto Comam oc xahanbalil ayco yictabal bay tzꞌon̈an Comam Dios, haꞌ Comam chitan̈eni, hacaꞌ chu istan̈elax noꞌ meꞌ cat yilaxto noꞌ ucꞌuꞌ haꞌ, hac tuꞌ xin chu yinito Comam anma tuꞌ yin̈ huneꞌ ha haꞌ chiakꞌni kꞌinale. Haxa Comam tuꞌ chisunilo yal sat anma, ẍi naj.