San Juan 6:65 - Jakalteko

⁶⁵ Yuxinto yalpaxo Comam hacaꞌ tiꞌ: —Caw chiwalan teyet tato caw machi hunu mac chaco isba yul inkꞌaban tato maẍtaj Inmaman chichejniti wetan, ẍi Comam.

San Juan 6:65 ပူးပေါင်းရင်းမြစ်များ

San Mateo 13:11

Istakꞌwi Comam: —Teyetn̈e chakꞌ Comam Dios heyohtan̈elo huntekꞌan tzet ye tuꞌ ewan yehi, yun̈e hetxumni yin̈ tzet chu heyoc yul iskꞌab Comam Dios. Walpaxo tet huntekꞌanxa anma xin mach chꞌakꞌlax yohtan̈eloj.

San Juan 10:16

Aypaxo huntekꞌan anma chinchahnihan yul yanma, ton̈e xin caw mach jet con̈oboj. Caw yilal winitijan cat xin yoc isyijeno cuybanile chiwaltiꞌan, caw xin hunxan̈e chucanoj yeb hunxan̈e mac chitan̈eni.

San Juan 3:27

Istakꞌwi naj Juan tet ebnaj: —Caw machi hunu mac chiwatxꞌen huneꞌ munil tiꞌ tato maẍtaj Comam Dios chiakꞌni tet.

San Juan 6:37

Wal xin, sunil mac chahti Inmaman wetan, chul yul inkꞌaban, yuxin mac chihul yul inkꞌabtuꞌan caw chinchahan, mach chinman̈cꞌotojan.

Filipenses 1:29

Yuto iscꞌulchꞌanil iscꞌul Comam Jesucristo maẍn̈etaj janico janma yin̈, haꞌ wal juni, wal xin yilal jakꞌni cabo coba jaben isyaꞌtajil yinta Comam.

1 Timoteo 1:14

Yakꞌni Comam sunil iscꞌulchꞌanil iscꞌul wetan, yeb wanaytojan yul wanmahan yin̈ Comam, yakꞌnipaxo iscꞌulchꞌanil iscꞌul wetan hacaꞌ huneꞌ chakꞌ Comam tet mac hunxa ye yeb Comam Jesucristo.

2 Timoteo 2:25

Akꞌancꞌulal xin chiyu iscuywa yin̈ mac mach chischah cuybanile, yuto chalo yanico huntekꞌan mac tuꞌ Comam Dios yin̈ iscꞌul cat ishelni isbeybal, cat yohtan̈enilo huneꞌ cuybanile caw yeli,

Hebreos 12:2

Jakꞌaweco conabal yin̈ Comam Jesús, yuto haꞌ Comam akꞌni pitzcꞌaho janayto yul janma yin̈ Comam Dios, haꞌ Comam xin chitzꞌajbancanoj. Yaco isba Comam yul iskꞌab camical yin̈ teꞌ culus, machi xin yoc yin̈ waxan̈ca caw txꞌixobal huneꞌ camical tuꞌ, yuto yohta Comam ta lahwi yecꞌyaꞌ yanma tuꞌ cat ischahni tzalahilal. Tinan̈ xin tzꞌon̈an Comam yin̈ iswatxꞌkꞌab Comam Dios.