San Juan 6:32 - Jakalteko

³² Yalni Comam tet anma: —Yin̈ caw isyelal chiwalan teyet, maẍtaj naj Moisés akꞌn̈e huneꞌ itah satcan̈il tuꞌ tet ebnaj jichmam yet payat tiempo tuꞌ. Wal xin itah tit yul satcan̈ tuꞌ yechel yin̈ huneꞌ wah caw yeli chakꞌ Inmaman teyet.

San Juan 6:32 ပူးပေါင်းရင်းမြစ်များ

San Juan 1:9

Wal Comam yin̈ caw yeli issajilkꞌinal tuꞌ, hulicꞌo yul sat yiban̈kꞌinal tiꞌ yu yakꞌni Comam issajilkꞌinal yul yanma sunil anma.

San Juan 15:1

Yalni Comam Jesús tet ebnaj iscuywom: —Wal hanintiꞌan, caw lahaninan yeb xin hunu yoj teꞌ uva caw cꞌul, wal Inmaman xin, caw lahan yeb hunu mac chiilni teꞌ.

San Juan 6:31

Ebnaj jichmaman̈ yet payat, ay huneꞌ cꞌaybalcꞌule ilbil yu ebnaj yet isloni ebnaj maná bey txꞌotxꞌ desierto. Hacaꞌ yalni Istzotiꞌ Comam Dios bay chal hacaꞌ tiꞌ: “Yati Comam Dios huneꞌ itah satcan̈ islob sunil anma,” ẍiayoj, ẍi anma tet Comam.

San Juan 6:33

Huneꞌ wah chakꞌ Comam tiꞌ, yul satcan̈ titnaj, haꞌ xin chiakꞌni kꞌinale mach istan̈bal tet anma, ẍi Comam.

San Juan 6:35

Yalni Comam tet anma: —Hanintonan huneꞌ wah tuꞌ, yuto chiwakꞌan kꞌinale mach istan̈bal. Macn̈eticꞌa chaco isba yul inkꞌaban, matxa bakꞌinal chin̈ohchahi, yeb xin macn̈eticꞌa chianayto yul yanma win̈an, matxa bakꞌinal chitajpaxo istiꞌ.

San Juan 6:41

Yet yaben ebnaj yahawil yin̈ ebnaj Israel yin̈ tzet chal Comam tuꞌ, yoc ebnaj buchwal yin̈ Comam yuto yal Comam hacaꞌ tiꞌ: “Hanintiꞌan huneꞌ wah titna yul satcan̈,” ẍi Comam.

San Juan 6:50

Yajaꞌ mac chiwahni huneꞌ wah titna yul satcan̈, chiwaltiꞌan xin, machi bakꞌinal chicami.

San Juan 6:55

Yuto innimaniltiꞌan lahan hacaꞌ wah, haꞌ chiakꞌni kꞌinale mach istan̈bal, hacpax tuꞌ xin inchiqꞌuilan hacaꞌ tzet chiucꞌlaxi.

San Juan 6:58

Hanintonan, huneꞌ wah titna yul satcan̈, yaj mach hacaꞌo maná islo ebnaj jichmam, yuto waxan̈ca islo ebnaj huntekꞌan maná tuꞌ, yaj cam ebnaj. Wal mac chiwahni huneꞌ wah chiwaltiꞌan xin, caw ay iskꞌinal mach istan̈bal, ẍi Comam.

Gálatas 4:4

Haxa yet yijni isba yapni istiempohal xin, yaniti Comam Dios Iscꞌahol, pitzcꞌana yin̈ huneꞌ ix ix yalan̈ yip isley naj Moisés.

1 Juan 5:20

Caw johtapaxoj tato xahulicꞌo Iscꞌahol Comam Dios, haꞌ Comam akꞌn̈e conabal johtan̈enilo Comam Dios yin̈ caw isyelal. Yuxinto hunxa je yin̈ Comam caw yel chala, haꞌ ton Comam Jesucristo, Iscꞌahol Comam Dios yehi, haꞌ Comam Dios yin̈ caw isyelal, haꞌ Comam chiakꞌni cokꞌinal mach istan̈bal.