Hechos 9:5 - Jakalteko

⁵ Iskꞌamben naj: —Mamin, ¿mac anmahil hach? ẍi naj Saulo tuꞌ. Istakꞌwi huneꞌ yul nukꞌe tuꞌ tet naj: —Hanintiꞌan Jesús inan, caw ayachico quinhatzumbenicꞌojan, yaj ton̈e chawakꞌ lahwo haba hacaꞌ chu islahwi hunu noꞌ wacax chixan̈wa yin̈ hunu te teꞌ kꞌakꞌiꞌ iswiꞌ, ẍi huneꞌ tuꞌ.

Hechos 9:5 ပူးပေါင်းရင်းမြစ်များ

Hechos 10:14

Yalni naj hacaꞌ tiꞌ: —Mamin, machoj, yuto caw maẍto hunelo chincꞌuxan huno noꞌ comon nokꞌ tiꞌ, maca hunuxa tzet ye tuꞌ mach sajoj hacaꞌ yalni isley naj Moisés, ẍi naj.

Hechos 26:14

Hac tuꞌ xin caw cosunilan̈ con̈aycꞌayan̈ sat txꞌotxꞌ. Wabenan huneꞌ yul nukꞌe halni wetan yul abxubal hebreo hacaꞌ tiꞌ: “Saulo, Saulo, ¿tzet yin̈ yuxin chinhatzumbecꞌojan? Hach caw ach, chawakꞌ lahwo haba hacaꞌ hunu noꞌ wacax chixan̈wa yin̈ hunu te teꞌ kꞌakꞌiꞌ iswiꞌ,” ẍi wetan.

Hechos 26:9

Yalnipaxo naj Pablo: —Yet yalan̈tocano tuꞌ, oc yin̈ innabalan wocan incachnojan anma yun̈e mach chischayto Comam Jesús ah Nazaret yul yanma.

Hechos 5:39

Yaj tato yet Comam Dios xin, maẍticꞌa chiyu cotan̈tzeniloj. Conabawe tzet chicowatxꞌe cꞌuxanta yin̈ Comam Dios chijakꞌ howal, ẍi naj tet ebnaj.

Hechos 9:4

Caw yin̈ an̈e xin aycꞌay naj sat txꞌotxꞌ, yaben naj huneꞌ yul nukꞌe halni hacaꞌ tiꞌ: —Saulo, Saulo, ¿tzet yin̈ yuxin chinhatzumbecꞌojan? ẍi.

Hechos 9:6

Caw xin chiluylun naj Saulo tuꞌ yu xiwquilal, yalni naj xin: —Mamin, ¿tzet chawoche chinwatxꞌehan? ẍi naj. Yalni Comam tet naj: —Ahan̈wanoj cat hato yul con̈ob tuꞌ, haꞌ tuꞌ chihallaxo tawet tzet wal hawuni, ẍi Comam Jesús tuꞌ tet naj.

1 Corintios 10:22

Wal xin machojab chicowatxꞌe huntekꞌan tuꞌ, haxinwal mach chijakꞌtij ishowal Comam jin̈ yuto mach ecꞌbalo jip yiban̈ Comam.

Filipenses 3:12

Caw mach lan̈ano walnihan tato caw xatzujcha sunil huntekꞌan tiꞌ wuhan maca caw tohol inxahan, wal xin caw lahbilico wuhan intohan insatajan. Ayco yin̈ wanmahan intzujnayojan huntekꞌan nabil win̈an yu Comam Jesucristo yet quinistzujnayojan babel.

1 Timoteo 1:13

waxan̈ca xin walan tzotiꞌ txꞌoj yin̈ Comam yet yalan̈tocanoj, yeb caw caj wilan Comam, yeb inbahan Comam. Yaj xin caw tzꞌay iscꞌul Comam Dios win̈an yuto mach wohtajojan tato machiswalil huntekꞌan inwatxꞌeꞌtuꞌan, yeb xin maẍto chinchahan Comam Jesucristo yul wanmahan.