Hechos 8:36 - Jakalteko

³⁶ Hayet ayco ebnaj yin̈ isbel tuꞌ xin, yapni ebnaj bey huneꞌ ha haꞌ, yuxin yal naj ah Etiopía tuꞌ tet naj Felipe hacaꞌ tiꞌ: —Ay huneꞌ haꞌ bey tiꞌ lah, ¿cꞌulmi yahcano haꞌ inwiꞌan tinan̈? ẍi naj tet naj Felipe tuꞌ.

Hechos 8:36 ပူးပေါင်းရင်းမြစ်များ

San Mateo 3:11

Yin̈ caw yeli hanintiꞌan han̈e ha haꞌ chiwakꞌan yahbalo haꞌ hewiꞌ yun̈e isyenicanilo isba tato caw yeli xahebejcano istxꞌojal. Yaj ay huneꞌ naj tzujan yul wintajan, naj tuꞌ chiyacan̈ naj haꞌ hewiꞌ, yaj yu iskꞌakꞌal yip Comam Espíritu Santo. Haꞌ naj tuꞌ caw ecꞌbalcano yelapno ye naj insatajan, walinan xin caw matzet welapnojan chiwabehan, nitam intꞌun̈nihan isxan̈ab naj.

San Mateo 3:6

Yet chalnati anma ismul xin, cat yahcano haꞌ iswiꞌ yu naj Juan yul haꞌ niman Jordán.

San Juan 3:23

Wal naj Juan xin, ayco naj yanican̈ haꞌ iswiꞌ anma bey Enón iscawilal Salim, yuto caw txꞌiꞌal ha haꞌ bey tuꞌ. Haꞌ tuꞌ xin chiapni anma iscꞌatan̈ naj yu yahcano haꞌ iswiꞌ.

San Juan 3:5

Istakꞌwi Comam tet naj: —Caw yel chiwalcanojan tawet, macn̈eticꞌa mach chipitzcꞌa yu ha haꞌ yeb xin yu Yespíritu Comam Dios, caw mach chiyu yoc yul iskꞌab Comam.

Hechos 10:47

Lahwi tuꞌ xin, yalni naj Pedro tuꞌ: —¿Chimyu cocachni yahcano haꞌ iswiꞌ ebnaj machahni Comam Espíritu Santo hacaꞌ yu cochahni han̈on̈ tiꞌ? ẍi naj Pedro tuꞌ.

Hechos 8:37

Yalni naj Felipe tuꞌ: —Chuhi tato caw yeli chawayto yul hawanma, ẍi naj. Istakꞌwican̈ naj: —Caw chiwayto yul wanmahan tato caw yeli Iscꞌahol Comam Dios ye Comam Jesucristo tuꞌ, ẍi naj.

1 Juan 5:6

Yet yulicꞌo Comam Jesucristo yul sat yiban̈kꞌinal tiꞌ, ah haꞌ iswiꞌ, yelpaxo ischiqꞌuil, haꞌ ton xin chiyeniloj tato Iscꞌahol Comam Dios yehi. Mach ton̈eho hulicꞌo yakꞌaꞌ aho haꞌ iswiꞌ, to elpaxo ischiqꞌuil yet iscami.