Hechos 28:26 - Jakalteko

²⁶ As hal tet huntekꞌan anma tiꞌ hacaꞌ tiꞌ: “Hex tiꞌ caw yeli cheyabe, yaj mach chitxumchalo heyu; caw cheyila, yaj mach chinachalo heyu,” cachi.

Hechos 28:26 ပူးပေါင်းရင်းမြစ်များ

San Marcos 4:12

Waxan̈ca hajan isbakꞌsat, yajaꞌ mach chila, waxan̈ca chabe, yajaꞌ mach chitxumchalo yu, yuxin mach chaco isba yul iskꞌab Comam Dios cat yakꞌlax nimancꞌulal yin̈ ismul, ẍi Comam.

San Lucas 24:25

Yalni Comam Jesús tet ebnaj: —Caw yaꞌta istxumchalo heyu yeb caw lan̈o cheyayto yul heyanma yin̈ tzet halbilcano yu ebnaj ischejab Comam Dios yet payat.

San Lucas 24:45

Hac tuꞌ yu yakꞌni Comam Jesús yohtan̈elo ebnaj yin̈ tzet tzꞌibn̈ebilcanayo yul Yum Comam Dios.

San Lucas 8:10

Yalni Comam tet ebnaj: —Teyetn̈e chakꞌ Comam Dios heyohtan̈elo tzet ewan yehi yu heyoc yul iskꞌab Comam, yaj tet anma comon yecheln̈e bay tzotel Comam tet. Waxan̈ca hajan isbakꞌsat, mach chu yilni, waxan̈ca chabe, yaj mach chitxumcha yu, ẍi Comam.

Hechos 28:25

Yaj yu mach lahano istxumni ebnaj yin̈ tzet yal naj Pablo tuꞌ, istzabnico ebnaj istohi. Yuxin yal naj Pablo tet ebnaj hacaꞌ tiꞌ: —Caw yelticꞌa chiyal Comam Espíritu Santo yet yakꞌni Comam yalaꞌ naj Isaías, ischejab Comam Dios, tet ebnaj jichmam yet payat, yet yalni Comam tet naj hacaꞌ tiꞌ: