Hechos 23:14 - Jakalteko

¹⁴ Isto ebnaj tet ebnaj yahawil sacerdote yeb xin tet ebnaj ichamta winaj iswiꞌehal yeco xol ebnaj Israel, yalni ebnaj hacaꞌ tiꞌ: —Walon̈tiꞌan̈ xajalan̈ yabeꞌ Comam Dios tato machi nichꞌano tzet chicolohan̈ masanto chiyij isba iscam naj Pablo juhan̈, ta mach xin chiyati Comam istzꞌactiꞌ jiban̈an̈, ẍi ebnaj.

Hechos 23:14 ပူးပေါင်းရင်းမြစ်များ

Hechos 23:12

Haxa yet hunxa tzꞌayic, ay huntekꞌan ebnaj Israel islahtiꞌn̈e isba ispotxꞌni camo naj Pablo tuꞌ. Yalni ebnaj hacaꞌ tiꞌ: —Machon̈ waꞌan̈ masanto chicam naj Pablo juhan̈. Ta mach chij isba xin, yakꞌabti Comam Dios istzꞌactiꞌ jiban̈an̈, ẍi ebnaj.

Hechos 23:13

Ecꞌbal cuarenta ebnaj istakꞌweco huneꞌ tuꞌ yin̈.

Hechos 23:20

Lahwi tuꞌ xin, yalni naj tzeh tuꞌ: —Maslahtiꞌn̈e isba ebnaj Israel tato chiyal ebnaj tawet ta chawito naj Pablo yet hecal yin̈ sat ebnaj iswiꞌehal yeco yin̈ lahtiꞌ, yuto ayto tzet chiskꞌambe ebnaj tet naj yin̈ caw nancꞌulal yalni.

Hechos 23:21

Yaj mach chawayto yul hawanma yin̈ tzet chiyal ebnaj, yuto ecꞌbal cuarenta yetbi ebnaj ebabil isba istiꞌ beh yechman yecꞌto naj, yuto xayawte ebnaj isbi Comam Dios yin̈ ta mach chiwaꞌ ebnaj masanto chispotxꞌ camo ebnaj naj Pablo tuꞌ. Ta mach xin chiyati Comam Dios istzꞌactiꞌ yiban̈ ebnaj yalni. Wal tinan̈ xin, caw toxan̈e chiyechma ebnaj tzet chawute hawalni, ẍi naj tzeh tuꞌ.