Hechos 22:28 - Jakalteko

²⁸ Yalni naj comandante tuꞌ xin: —Hanintiꞌan, caw hanta melyu incꞌaytzehan yet wocan romanohal, ẍi naj. Yalnipaxo naj Pablo tuꞌ tet naj: —Walinan to caw romanoticꞌa yu inpitzcꞌatijan, ẍi naj.

Hechos 22:28 ပူးပေါင်းရင်းမြစ်များ

Hechos 22:27

Lahwi tuꞌ xin istit naj comandante iscꞌatan̈ naj Pablo, iskꞌamben naj hacaꞌ tiꞌ: —¿Tom yeli romano hach? ẍi naj. Istakꞌwi naj Pablo: —Hoꞌ, caw romano inan, ẍi naj.

Hechos 22:29

Yu huneꞌ tuꞌ xin isheqꞌuilo isba ebnaj soldado etza makꞌni naj Pablo tuꞌ. Hacpax tuꞌ xin naj comandante, yet yaben naj tato caw romano naj Pablo, isxiwcan̈ naj yuto haꞌ naj chejni alaxoco chꞌen cadena yin̈ naj Pablo tuꞌ.

Efesios 2:12

Wal yet payxa tuꞌ caw machijexico yul iskꞌab Comam Jesucristo; machi heyoc yin̈ con̈ob Israel, yeb yin̈ huneꞌ trato akꞌbilcano yu Comam Dios, yeb yin̈ tzet haltebilcano yu Comam. Yuxinto machi baytet yin̈ chicawxi hecꞌul, machipaxo hediosal yul sat yiban̈kꞌinal tiꞌ.

Efesios 2:19

Yuxin hex tiꞌ, caw matxa nan con̈obalojex tinan̈, matxa ton̈e chexecꞌ cólohi, ayxa heyoc yin̈ iscon̈ob Comam Dios, ayexxapaxico istzꞌajo yuninal Comam.