Hechos 21:36 - Jakalteko

³⁶ Sunil anma tzujan yinta ebnaj, toxan̈e chiwejchahi, chiyalnipaxo anma yin̈ caw ip hacaꞌ tiꞌ: —Makꞌbil iscam naj tinan̈, ẍixan̈e anma tuꞌ.

Hechos 21:36 ပူးပေါင်းရင်းမြစ်များ

San Lucas 23:18

Yaj sunil anma cutxanico bey tuꞌ, ah yaw yin̈ caw ip: —¡Ilo huneꞌ naj tiꞌ yin̈ cosatan̈, cat hebejtzon naj Barrabás! ẍixan̈e anma.

San Juan 19:15

Yahpaxo wejna ebnaj yalni yin̈ caw ip: —¡Camojab naj, camojab naj, acan̈ naj yin̈ culus! ẍi ebnaj yin̈ Comam. Istakꞌwipaxo naj: —¿Tom chiwacan̈an naj heyahawil tiꞌ yin̈ culus, chal tuꞌ? ẍi naj tet ebnaj. Istakꞌwi ebnaj yahawil yin̈ ebnaj sacerdote: —Wal han̈on̈tiꞌan̈, mach hunuxa jahawilan̈ cachann̈e naj jahawil ay bey Roma, ẍi ebnaj tet naj.

Hechos 22:22

Haꞌ yin̈ tuꞌ xin, cachna yaben ebnaj tzet yal naj Pablo, istzabnico ebnaj yalni yin̈ caw ip hacaꞌ tiꞌ: —¡Camojab naj! ¡Matxa yeto ay ischahni iskꞌinal naj tiꞌ tinan̈! ẍi ebnaj.

Hechos 7:54

Yet yaben ebnaj sunil tzet yalcano naj Esteban tuꞌ, caw chin̈etxꞌla yeh ebnaj yu ishowal.

1 Corintios 4:13

Caw txꞌoj istzotel anma jetan̈, wal han̈on̈an̈ xin caw akꞌancꞌulal chu cotzotelan̈ tet. Hacticꞌapax tuꞌ tinan̈, hacaꞌ iskꞌalemal yeb isyahbenal tzet ay yul sat yiban̈kꞌinal, hac tuꞌ jehan̈ yul sat anma.