Hechos 19:2 - Jakalteko

² Iskꞌamben naj Pablo tuꞌ tet ebnaj: ¿Hechahmi Comam Espíritu Santo yet heyanico heba yul iskꞌab Comam Jesucristo? ẍi naj tet ebnaj. Istakꞌwican̈ ebnaj: —Machoj, maẍticꞌa bay chijabehan̈ ta ay huneꞌ Comam Espíritu Santo, ẍi ebnaj.

Hechos 19:2 ပူးပေါင်းရင်းမြစ်များ

San Juan 7:39

Yal Comam Jesús huneꞌ tiꞌ yin̈ Comam Espíritu Santo chischah macta chianayto yul yanma yin̈ Comam. Yet huneꞌ tiempohal tuꞌ xin, maẍto chiayilo Comam Espíritu Santo isyayil maẍto chiilaxto Comam yul satcan̈.

Hechos 10:44

Yet aytoco naj Pedro tuꞌ istzoteli, yayilo Comam Espíritu Santo yiban̈ anma chiaben tzet chal naj.

Hechos 19:5

Hayet yaben ebnaj huneꞌ tzet yal naj Pablo tuꞌ, yahcano haꞌ iswiꞌ ebnaj yin̈ isbi Comam Jesucristo.

Hechos 2:17

bay yalcano hacaꞌ tiꞌ: Yet chꞌapni islahobal tzꞌayic, chiwatijan Wespírituhan yiban̈ anma yul sat yiban̈kꞌinal tiꞌ. Yuxin haꞌ ej hecꞌahol yebpaxo ej hecutzꞌin, haꞌ chalnolo Intzotiꞌan. Chinyehan huntekꞌan cuybanile tet ebnaj tzehtaj yin̈ sajsatil. Yebpaxo ebnaj ichamtaj chintzotelan tet ebnaj yul iswayic.

Romanos 1:11

Yuto caw chiwochehan quexwilaꞌan yu incolwahan hanicꞌo teyin̈ yin̈ yet Comam, haxinwal chiyikꞌ yip heyanma yin̈ Comam.

1 Corintios 6:19

¿Tom mach heyohtajo xin, tato yatutxa Comam Espíritu Santo ye henimanil, Comam akꞌbil teyet yu Comam Dios yun̈e yeh yul heyanma? Yuxin matxa heyeto heba hechuquil.

Gálatas 3:5

Yakꞌ Comam Dios Comam Espíritu Santo jet, isyenipaxo cꞌaybalcꞌule coxol. Yajaꞌ ¿tzet yu cheyabeco tiꞌ? Mach yuho coyijen isley naj Moisés; walxinto yu janico janma yin̈ Tzotiꞌ cꞌul yet colbanile akꞌbil jet.