Hechos 14:9 - Jakalteko

⁹ Tzꞌon̈anayo naj yaben tzet chal naj Pablo. Yilni naj Pablo tuꞌ tato caw ayco yanma naj yin̈ Comam Dios, yeb ta chu iswatxꞌi naj yu Comam, yuxin oc tꞌan̈no naj Pablo yin̈ naj,

Hechos 14:9 ပူးပေါင်းရင်းမြစ်များ

San Mateo 13:58

Wal Comam xin mach txꞌiꞌalo cꞌaybalcꞌule isye Comam yul iscon̈ob tuꞌ, yuto mach chayto anma yul yanma yin̈ Comam.

San Mateo 15:28

Lahwi tuꞌ xin, yalni Comam tet ix: —Miyay, caw ayco hawanma yin̈ Comam Dios, yuxin yubojab hacaꞌ choche hacꞌul, ẍi Comam. Yin̈n̈ena tuꞌ xin iscawxican̈ nichꞌan yunin ix tuꞌ.

San Mateo 8:10

Hayet yaben Comam yalni naj hacaꞌ tuꞌ, caw cꞌayilo iscꞌul Comam, yalni Comam tet anma tzujanico yinta tuꞌ: —Yin̈ caw yeli chiwalan teyet, maẍto hunu mac chiwilan yanico yanma yin̈ Comam Dios yul con̈ob Israel hacaꞌ huneꞌ naj tiꞌ.

San Mateo 9:22

Wal Comam xin, ismeltzo isba Comam, yoc tꞌan̈no Comam yin̈ ix, yalni Comam hacaꞌ tiꞌ: —Aco yip hawanma miyay. Macachcawxican̈ tinan̈ yuto maxawaco hawanma win̈an, ẍi Comam tet ix. Yin̈n̈ena tuꞌ xin iscawxican̈ ix.

San Marcos 10:52

Yalni Comam tet naj: —Hajlojab hasat yuto maxawaco hawanma win̈an, xaisje hapaxtoj, ẍi Comam tet naj. Yin̈n̈ena tuꞌ xin ishajlo isbakꞌsat naj, yoc tzujno naj yinta Comam.

San Marcos 2:5

Hayet yilni Comam tato caw ayco yanma ebnaj ikꞌn̈e naj tuꞌ yin̈ Comam, yalni Comam tet naj yaꞌay tuꞌ: —Hach wet anmahil, wal tinan̈ maoccano nimancꞌulal yin̈ hamul, ẍi Comam tet naj.

San Marcos 8:25

Yanico Comam iskꞌab yin̈ sat naj hunelxa, caw iswatxꞌilo yilni naj, xin habanxa yilni naj sunil tzet ye tuꞌ cawil yeb nahat.

Hechos 10:4

Hayet yoc tꞌan̈no naj yin̈ naj ángel, isxiwcan̈ naj, istakꞌwi naj: —¿Tzet chawal Mamin? ẍi naj. Yalni naj ángel tuꞌ xin: —Caw chabe Comam Dios hatxah, caw chilpaxo Comam hacolwal chawakꞌ tet anma mebaꞌ. Mach chicꞌayto huntekꞌan tiꞌ yu Comam.

Hechos 3:4

Yoc tꞌan̈no naj Pedro yeb naj Juan tuꞌ yin̈ naj, yalni naj Pedro hacaꞌ tiꞌ: —Ocan̈ tꞌan̈no jin̈an̈, ẍi naj.