Hechos 13:6 - Jakalteko

⁶ Lahwi tuꞌ xin yecꞌto ebnaj sunil yin̈ iskꞌatanil sat txꞌotxꞌ Chipre tuꞌ, yapni ebnaj bey con̈ob Pafos. Haꞌ tuꞌ xin ischahleyo isba ebnaj yeb huneꞌ naj Israel, chiyij Barjesús. Huneꞌ naj tuꞌ nawal naj, ton̈e chiyal naj tato ischejab Comam Dios ye naj.

Hechos 13:6 ပူးပေါင်းရင်းမြစ်များ

San Mateo 16:17

Yalni Comam tet naj: —Simón, iscꞌahol naj Jonás, caw sakꞌal hawet yuto huneꞌ maxawal tiꞌ mach anmaho chiyenilo tawet. Walxinto haꞌ Inmaman ay yul satcan̈, haꞌ chiakꞌni hatxumuꞌ.

San Mateo 24:24

Yuto ay ebnaj chisbalico isba Cristohal, yeb ay ebnaj chalico isba ischejabo Comam Dios. Chisye ebnaj huntekꞌan yechel yeb cꞌaybalcꞌule yun̈e issubcha anma yu ebnaj. Etza xin chisubchapaxo mac sicꞌbilxa yu Comam Dios yu ebnaj.

San Mateo 7:15

Yalnipaxo Comam Jesús: —Caw cheyil heba tet ebnaj lekꞌtiꞌwom chisbalico isba ischejabo Comam Dios, yuto hayet chitzotel ebnaj teyet, caw cꞌulchꞌan chute iscꞌul ebnaj hacaꞌ noꞌ meꞌ, yajaꞌ wal yanma ebnaj xin lahan hacaꞌ noꞌ oj chon̈cꞌuxnitoj.

San Marcos 10:46

Lahwi tuꞌ yapni Comam Jesús yul con̈ob Jericó yeb ebnaj iscuywom. Hayet yel Comam yeb ebnaj bey tuꞌ xin, caw hantan̈e anma oc tzujno yinta Comam. Ay xin huneꞌ naj mach chu yilni, tzꞌon̈anayo istiꞌ beh kꞌano melyu; Bartimeo isbi naj, iscꞌahol naj Timeo ye naj.

Hechos 13:13

Yoc naj Pablo yul barco yeb ebnaj tzujan yinta tuꞌ. Hac tuꞌ xin yu yel ebnaj yul con̈ob Pafos, yapni ebnaj bey con̈ob Perge yul ismajul Panfilia. Wal naj Juan Marcos xin, yicanilo isba naj, ismeltzoto naj bey yul con̈ob Jerusalén.

Hechos 13:8

Huneꞌ naj nawal tuꞌ, Elimas isbi naj yin̈ abxubal griego, caw oc naj cajwal yin̈ ebnaj cawan̈ tuꞌ, yuto mach choche iscꞌul naj tato chaco naj Sergio tuꞌ Istzotiꞌ Comam Dios yul yanma.

2 Corintios 11:13

Haꞌ ebnaj tuꞌ ton̈e chisbalico isba ebnaj ischejabo Comam Jesucristo. Chakꞌni subchaho ebnaj anma yin̈ tzet chala, chutenico isba ebnaj ischejabo Comam Jesucristo.

2 Timoteo 3:8

Hacaꞌ yu iscajwa naj Janes yeb naj Jambres yin̈ naj Moisés, hac tuꞌ chu iscajwa huntekꞌan anma tiꞌ yin̈ cuybanile yel chala. Caw etaxnalo isnabal ebnaj tuꞌ, mach yeloj caw cꞌul yeco yanma ebnaj yin̈ Comam Dios.

1 Juan 4:1

Wuẍtaj wanab, tato ay ebnaj chiecꞌ halnoj tato caw ischejab Comam Dios yehi, caw mach ton̈eo cheyayto tzet chal ebnaj tuꞌ yul heyanma. Caw babel cheyabe istzotel ebnaj tato Istzotiꞌ Comam Dios chal ebnaj, yuto caw txꞌiꞌal ebnaj lekꞌtiꞌwom chalni tato ischejab Comam Dios yehi.

Apocalipsis 19:20

Istzablaxayo naj Nokꞌ isbi yeb naj isbalico isba ischejabo Comam Dios, naj yeni nimeta cꞌaybalcꞌule sata naj Nokꞌ isbi. Yu huntekꞌan nimeta cꞌaybalcꞌule isye naj yakꞌ subchaho naj anma yun̈e yalaxico yechel naj Nokꞌ isbi tuꞌ yin̈, yinipaxayo isba anma tet yechel naj. Caw xin itzitz naj Nokꞌ isbi, yeb naj isbalico isba ischejabo Comam Dios iskꞌojlaxto ebnaj xol huneꞌ niman kꞌaꞌ chiah xaj yu azufre.