Hechos 13:2 - Jakalteko

² Yet hunel xin, cutxanico ebnaj juẍta tuꞌ yu yakꞌni tzalaho iscꞌul yin̈ Comam Dios, chiyecꞌtzen ebnaj huneꞌ txah yet mach chon̈waꞌi, yalni Comam Espíritu Santo tet ebnaj: —Iwelo naj Bernabé yeb naj Saulo texol, yuto chioc ebnaj yin̈ huneꞌ munil bay awtebil ebnaj wuhan, ẍi Comam Espíritu Santo tet ebnaj.

Hechos 13:2 ပူးပေါင်းရင်းမြစ်များ

San Mateo 17:21

Yuto huntekꞌan ischejab naj matzwalil tiꞌ, machi el yin̈ anma ta mach chextxahli yeb heyakꞌlen wahil hetxahli tet Comam Dios, ẍi Comam Jesús.

San Mateo 6:16

Lahwi tuꞌ yalnipaxo Comam Jesús: —Hayet mach chexwaꞌ yu hetxahli tet Comam Dios, mach biscꞌulalo cheyute hesat hacaꞌ chute ebnaj chal isba cꞌulal, yuto ebnaj tuꞌ caw biscꞌulal chute ebnaj sat yun̈e yillax ebnaj yu anma tato ayco ebnaj yin̈ yet mach chon̈wahi yu cotxahli tet Comam Dios. Yin̈ caw yeli chiwalan teyet chischahna ebnaj ispaj selel yet chiillax ebnaj yu anma tuꞌ.

San Mateo 9:38

Yuxin kꞌanwe tet Comam Dios yahaw munil, haxinwal chati Comam ismunlawom xol anma, ẍi Comam tet ebnaj.

San Lucas 10:1

Lahwi tuꞌ xin, issicꞌlenilo Comam Jesús setentaxa ebnaj iscuywom. Catawan̈ xin yu yanito Comam ebnaj yul hunun con̈ob yeb xol wayan̈bal bayejtuꞌal bay chi-caw-yecꞌpaxo Comam.

San Lucas 2:37

Caw xin ochenta y cuatro habilxa iscancano ixnam hunixal. Tzꞌayic akꞌbal ayn̈eticꞌacto ixnam yul yatut Comam Dios yu istxahli yeb yu yinayo isba tet Comam. Caw xin chisyijepaxo ixnam huneꞌ yet mach chon̈waꞌi yu cotxahli tet Comam.

Hechos 10:19

Caw aytoco yin̈ iscꞌul naj tzet caw chalilo huneꞌ yil naj tuꞌ, yalni Comam Espíritu Santo tet naj hacaꞌ tiꞌ: —Pedro, ay oxwan̈ ebnaj chaẍsaynicꞌoj.

Hechos 10:30

Yalni naj Cornelio tet naj hacaꞌ tiꞌ: —Can̈ebxa tzꞌayic tinan̈ hacaꞌmi hora tiꞌ yin̈ chꞌen oxeb, yet lan̈an intxahlihan tet Comam Dios, yin̈ hamataj isyenican̈ isba huneꞌ naj wetan, caw saj jilnicano xil iskꞌap naj, toxan̈e chitzejtzoni.

Hechos 13:3

Lahwi yecꞌtzen ebnaj huneꞌ txah yet mach chon̈waꞌi, yanayo iskꞌab ebnaj yiban̈ iswiꞌ ebnaj cawan̈ tuꞌ. Tzujan tuꞌ xin ischejlaxto ebnaj yu ebnaj.

Hechos 13:4

Yet ischejlaxto naj Bernabé yeb naj Saulo yu Comam Espíritu Santo, isto ebnaj yul huneꞌ con̈ob chiyij Seleucia. Yul huneꞌ con̈ob tuꞌ oc ebnaj yul teꞌ barco, lahwi tuꞌ xin, yapni ebnaj bey yul ismajul Chipre, huneꞌ txꞌotxꞌ hoyanico haꞌ mar yin̈la iscꞌul.

Hechos 14:26

Haꞌ bey tuꞌ xin, oc ebnaj yul huneꞌ teꞌ barco, ismeltzo ebnaj yul con̈ob Antioquía hunelxa, bay takꞌelaxto ebnaj yul iskꞌab Comam Dios yu ebnaj juẍtaj yet yichico ebnaj yin̈ ismunil yalnicꞌo Istzotiꞌ Comam Dios yulajla con̈ob; wal xin yijcano isba huneꞌ ismunil ebnaj tuꞌ.

Hechos 20:28

Wal xin caw cheyil heba, cat xin heyaꞌiln̈en ebnaj ayxaco yul iskꞌab Comam Dios, yuto haꞌ teyet yakꞌ Comam Espíritu Santo huneꞌ munil yin̈ heyaꞌiln̈en ebnaj juẍtaj yeb ebix janab ayxaco yul iskꞌab Comam, huntekꞌan mac islokꞌ Comam Jesucristo yu ischiqꞌuil yet iscami.

Hechos 22:21

Yaj xin yal Comam wetan hacaꞌ tiꞌ: “Asiꞌ xin, yuto nahat chaẍwatojan. Hata xol ebnaj mach Israelo chaẍto quinhawalacꞌojan,” ẍi Comam wetan, ẍi naj Pablo tuꞌ.

Hechos 4:36

Ay huneꞌ naj tiꞌ chiyij José, yajaꞌ xin Bernabé occano isbiho naj yu ebnaj ischejab Comam Jesús, yuto huneꞌ bihe Bernabé, chal yelapnoj Akꞌomico Yakꞌlobal Iscꞌul Anma. Naj Bernabé tuꞌ, yuninalto naj jichmam Leví ye naj, pitzcꞌana naj bey con̈ob Chipre.

Hechos 6:4

Wal han̈on̈tiꞌan̈ caw chicolahicojan̈ cotxahlihan̈ yeb jalnicꞌojan̈ Istzotiꞌ Comam Dios, ẍi ebnaj cablahon̈wan̈ tuꞌ.

Hechos 8:29

Yalni Comam Espíritu Santo tet naj Felipe hacaꞌ tiꞌ: —Hitzan̈ico iscꞌatan̈ huneꞌ teꞌ caret tuꞌ, ẍi tet naj.

Hechos 9:15

Yalnipaxo Comam tet naj: —Asiꞌ iscꞌatan̈ naj Saulo tuꞌ yuto sicꞌbilxalo naj wuhan. Haꞌ naj chihalnocꞌo intzotiꞌan xol anma mach Israeloj, yeb tet ebnaj yahawil ebnaj, yeb tet ebnaj Israel hawet con̈ob.

Romanos 1:1

Hanin Pablo intiꞌan ismunlawom Comam Jesucristo wehan, awtebilinan yu Comam Dios yu wocan ischejabo Comam Jesucristo, yeb xin saybilinan yu walnicꞌojan Tzotiꞌ cꞌul yet colbanile.

Romanos 10:15

¿Tzettaxca xin chu yallaxicꞌo Istzotiꞌ Comam ta machi mac chichejni hallaxoj? Hacaꞌ yalni yul Yum Comam Dios bay chala: “Hanta sakꞌalil yet mac chiecꞌ halnocꞌo tzotiꞌ yet akꞌancꞌulal yeb Tzotiꞌ cꞌul yet colbanile,” ẍi.

Romanos 15:16

Ischejab Comam Jesucristo wecojan xol anma mach Israeloj, haꞌ inmunilan xin haꞌ ton walnicꞌojan Tzotiꞌ cꞌul yet colbanile chalte Comam Dios, yun̈e yaltelax anma mach Israelo tet Comam hacaꞌ hunu xahanbal caw chitzala Comam yin̈, sajn̈ebilxa yu Comam Espíritu Santo.

1 Corintios 12:11

Sunil huntekꞌan tiꞌ haꞌticꞌa Comam Espíritu Santo chiakꞌni cowatxꞌeꞌ hununon̈, hataticꞌa tzet choche Comam yakꞌa jet. Caw xin hunchꞌann̈e Comam Espíritu.

1 Corintios 7:5

Yuxin mach chu heman̈cꞌon heyochelen heba hununex, cachan tato lahtiꞌxa ye heyu heman̈cꞌon heba teyet hununex yin̈ hayebo tzꞌayic yu hetxahli tet Comam Dios yin̈ sunil heyanma. Yajaꞌ xin yilal hehunbanpaxo heba hunelxa, yuto cꞌuxantaxca mach chitecha heyu yin̈ tzet choche henimanil, cat yoc naj matzwalil quexyilwenoj cat heyaycꞌayi cat heyanico hemul.

2 Corintios 11:27

Ay bay caw quinsiquihan inmunlahan, wakꞌlenan isyaꞌtajil. Txꞌiꞌal el mach quinwayan, ay bay wijlehan n̈ohchahilal, yeb tajintiꞌal. Txꞌiꞌal el mach quinwaꞌhan. Ay bay xin wetapaxo incꞌulan yu chew, yeb txꞌiꞌal el quincancanojan man̈ xilkꞌapehal.

2 Corintios 6:5

Ay bay caw con̈makꞌlaxan̈, ay bay xin con̈alaxicojan̈ preso, yeb xin ay bay ah wejna anma jin̈an̈, ay bay xin caw con̈ecꞌyaꞌan̈ comunlahan̈, aypaxo bay xin el cowayan̈an̈, ay bay jijlepaxojan̈ wahil.

Gálatas 1:15

Yaj xin, haꞌ sakꞌalil iscꞌul Comam Dios quinsicꞌnilojan yet yalan̈to maẍto chinpitzcꞌahan, quinyawtenicojan Comam munlaho yin̈ ismunil. Haxa yet yapni istiempohal hacaꞌticꞌa chal iscꞌul Comam, yakꞌni Comam iscꞌahol wohtan̈elojan yun̈e walnicꞌojan Tzotiꞌ yet colbanile xol anma mach Israeloj. Yet hunel tuꞌ xin, machi hunu mac tet quinbeyan inkꞌambeꞌan.

Efesios 3:7

Yu iscꞌulchꞌanil iscꞌul Comam Dios, yuxin yakꞌ inmunilan walnicꞌojan Tzotiꞌ cꞌul yet colbanile xol anma yu yip Comam caw munlaco win̈an.

Colosenses 4:17

Halwe huneꞌ tiꞌ tet juẍta Arquipo: “Aco hawanma hayijen hamunil akꞌbil tawet yu Comam Jesús, Jahawil,” quexchi tet naj.

1 Timoteo 2:7

Yuxinto akꞌlax inmunilan wocan ischejabo Comam Jesucristo yun̈e inpujbanicꞌojan huneꞌ tuꞌ, cat incuynicantojan anma mach Israeloj yin̈ isyelal, yeb yin̈ janico janma yin̈ Comam. Huneꞌ chiwaltiꞌan mach lekꞌtiꞌaloj, to caw yeli.

2 Timoteo 1:11

Haꞌ Comam Dios akꞌn̈e inmunilan walnicꞌojan huneꞌ Tzotiꞌ yet colbanile tiꞌ, quinyanicojan ischejabo Comam Jesucristo, yeb cuywawomal xol anma mach Israeloj.

2 Timoteo 2:2

Huntekꞌan cuybanile hawabe walnicꞌojan xol anma, haꞌ chatakꞌe tet ebnaj juẍtaj yijem chute isba, yeb tzꞌajan chute iscꞌul ebnaj iscuyni hunuxa yet anmahil.

2 Timoteo 4:11

Cachanxan̈e naj Lucas aycꞌo incꞌatan̈an. Wal xin ecꞌan̈ hawikꞌa naj Marcos cat hawiniti naj tawintaj, yuto chiwochehan chicolwa naj wintajan yin̈ ismunil Comam Dios.

2 Timoteo 4:5

Yajaꞌ wal hach tiꞌ, toholojabn̈eticꞌa chawute hanabal, techahojab isyaꞌtajil hawu, ecꞌan̈ hawalaꞌcꞌo Tzotiꞌ yet colbanile, yije hamunil tzabiloco hawu.

Hebreos 5:4

Machi hunu ebnaj ton̈e oc yin̈ huneꞌ munil caw ay yelapno tuꞌ, walxinto haꞌ Comam Dios sayn̈eco ebnaj, hacaꞌ yu issaylaxico naj Aarón.