Hebreos 8:11 - Jakalteko11 Yin̈ huneꞌ tiempohal tuꞌ, matxa yilalo chiscuy hunu mac yet con̈obal, maca hunu mac ayto yu isba yebi yu quinyohtan̈enan. Wal xin sunil mac chinohtan̈enan, sunil niẍte unin yeb ichamta anma. အခန်းကိုကြည့်ပါ။ |
Walex hex tiꞌ, akꞌbilxa Comam Espíritu Santo teyet yu Comam Jesucristo, yuxinto mach yechelto ay mac chexcuyni; yuto haꞌ Comam Espíritu Santo chexcuyni yin̈ sunil tzettaj ye tuꞌ. Haꞌ xin cuybanile chakꞌ Comam Espíritu Santo caw yeli, machi nino lekꞌtiꞌal ayco yin̈. Yuxin caw huneln̈ehojab cheyutecanico heba yul iskꞌab Comam Jesucristo, hacaꞌ chute yalni Comam Espíritu Santo jet.