Hebreos 7:21 - Jakalteko

²¹ Wal Comam Jesucristo Jahawil yakꞌ binaho Comam Dios isbi yet yakꞌnicano Comam ismunil Comam, hacaꞌ yalni yul Yum Comam Dios bay chala: Yakꞌ binaho Comam Dios isbi, machi xin chishel isba tzet chala yet yalni hacaꞌ tiꞌ: “Hach tiꞌ sacerdote hach, chachoc tzotelo yin̈ anma wetan yin̈ sunilbal tiempo, hacaꞌ naj Melquisedec,” ẍiayoj.

Hebreos 7:21 ပူးပေါင်းရင်းမြစ်များ

Romanos 11:29

Yuto haꞌ tzet chakꞌ Comam jet mach chilo Comam hunelxa, yeb xin haꞌ mac awtebil yu Comam mach chisman̈cꞌoto Comam.

Hebreos 5:6

Yeb xin ay huneꞌxa bay halbilcano yu Comam hacaꞌ tiꞌ: Hach tiꞌ sacerdote yin̈ sunilbal tiempo, hacaꞌ naj Melquisedec, ẍiayoj.

Hebreos 7:17

Yuto yal Comam Dios tet Comam Jesús: Hach tiꞌ sacerdote, chachoc tzotelo yin̈ anma wetan yin̈ sunilbal tiempo hacaꞌ naj Melquisedec, ẍi Comam.

Hebreos 7:20

Huneꞌ ayco yipo janma tiꞌ, yakꞌ binaho Comam Dios isbi yin̈ yet yaltencano Comam. Ebnaj sacerdote Israel mach yakꞌ binaho Comam Dios isbi yet yakꞌlaxcano ismunil ebnaj yu Comam.

Hebreos 7:23

Ebnaj sacerdote yet yalan̈tocano tuꞌ machi yu iscancano ebnaj yin̈ ismunil yin̈ huneln̈e yuto chi-la-camto ebnaj, yuxin caw txꞌiꞌal ebnaj ecꞌlena yin̈ huneꞌ munil tuꞌ.

Hebreos 7:28

Ebnaj akꞌlax ismunil yoc yahawil sacerdote yu isley naj Moisés masanticꞌa ay istxꞌojal ebnaj, yajaꞌ wal Iscꞌahol Comam Dios, huneꞌ mac bay yakꞌ binaho Comam isbi yet yakꞌni ismunil yoc yahawil sacerdote yet tzujanilxa, huneꞌ mac tuꞌ maẍticꞌa nichꞌano istxꞌojal yin̈ sunilbal tiempo.