Hebreos 5:6 - Jakalteko

⁶ Yeb xin ay huneꞌxa bay halbilcano yu Comam hacaꞌ tiꞌ: Hach tiꞌ sacerdote yin̈ sunilbal tiempo, hacaꞌ naj Melquisedec, ẍiayoj.

Hebreos 5:6 ပူးပေါင်းရင်းမြစ်များ

Hebreos 5:10

Haꞌ xin Comam Dios an̈eco Comam Jesús yahawilo sacerdotehal yu istzotel jin̈ tet Comam, hacaꞌ naj Melquisedec yet payat tiempo.

Hebreos 6:20

Hac tuꞌ yu isbabicto Comam Jesucristo cosataj, ishajnicano cobeh. Hac tuꞌ xin yu yoccano Comam tzotelo jin̈ tet Comam Dios; yahawil sacerdote yeco Comam jin̈ yin̈ sunilbal tiempo, hacaꞌ naj Melquisedec yet payat tiempo.

Hebreos 7:11

Kꞌinalo tato yu ebnaj sacerdote levita watxꞌico anma Israel yul sat Comam Dios yuto haꞌ ebnaj akꞌni ley tet con̈ob Israel, matxam yilalo oc huneꞌxa mac tzotelo yin̈ anma, huneꞌ mac hacaꞌ naj Melquisedec mach hacaꞌo naj Aarón, naj titna yin̈ naj Leví.

Hebreos 7:15

Yin̈ huneꞌ tiꞌ caw habanto cotxumni ta huneꞌ mac alaxico sacerdotehal jin̈, lahan yeb naj Melquisedec.

Hebreos 7:17

Yuto yal Comam Dios tet Comam Jesús: Hach tiꞌ sacerdote, chachoc tzotelo yin̈ anma wetan yin̈ sunilbal tiempo hacaꞌ naj Melquisedec, ẍi Comam.

Hebreos 7:21

Wal Comam Jesucristo Jahawil yakꞌ binaho Comam Dios isbi yet yakꞌnicano Comam ismunil Comam, hacaꞌ yalni yul Yum Comam Dios bay chala: Yakꞌ binaho Comam Dios isbi, machi xin chishel isba tzet chala yet yalni hacaꞌ tiꞌ: “Hach tiꞌ sacerdote hach, chachoc tzotelo yin̈ anma wetan yin̈ sunilbal tiempo, hacaꞌ naj Melquisedec,” ẍiayoj.

Hebreos 7:3

Naj Melquisedec tuꞌ mach ohtabilo mac ismam naj yeb mac ismiꞌ naj, yebpaxo mac yichmam naj. Machipaxo mac chalni yin̈ yet ispitzcꞌa naj yebpaxo yin̈ iscamical naj yuxin yechel yeco naj yin̈ Comam Jesucristo Iscꞌahol Comam Dios, yuto machi isbi bakꞌin lahwi ismunil naj.

Hebreos 7:8

Ebnaj yuninal yuninal naj Leví kꞌanni isdiezmohal sunil tzet ye tuꞌ tet yet con̈ob, ebnaj tuꞌ le-camto ebnaj, yajaꞌ wal naj Melquisedec xin chal Yum Comam Dios tato itzitzto naj, yuto machi bay chal yin̈ iscamical naj.