Hebreos 4:7 - Jakalteko

⁷ Yuxin ay huneꞌ tiempohal yebilcano yu Comam Dios, haꞌ ton huneꞌ tiempohal bay ayon̈ tiꞌ tinan̈. Payxatax halbilcano yin̈ huneꞌ xewbal tiꞌ, yakꞌnipaxo Comam yalaꞌ naj David yul Yum Comam, bay chala: Tato cheyabe tzet chiwalan tinan̈ hanin heDiosal intiꞌan, mach hipo cheyute heba, ẍiayoj.

Hebreos 4:7 ပူးပေါင်းရင်းမြစ်များ

San Mateo 22:43

Yalnipaxo Comam: —Yajaꞌ naj David tuꞌ, yal naj naj Cristo Yahawoj yet yakꞌlax yalaꞌ naj yu Comam Espíritu Santo yet yalni naj hacaꞌ tiꞌ:

San Marcos 12:36

Yajaꞌ haꞌ naj David tuꞌ halni yu yip Comam Espíritu Santo hacaꞌ tiꞌ: Yal Comam Dios tet Wahawilan: “Ayan̈ tzꞌon̈an yin̈ inwatxꞌkꞌabtiꞌan masanto chiwacojan ebnaj ayco ishowal tawin̈ yalan̈ hawoj,” ẍi Comam, ẍi naj David.

San Lucas 20:42

Yajaꞌ yalcano naj David yin̈ Salmos hacaꞌ tiꞌ: Yal Comam Dios tet Wahawilan: “Ayan̈ tzꞌon̈no yin̈ inwatxꞌkꞌabtiꞌan,

Hechos 2:29

Yalnipaxo naj Pedro: —Hex wet con̈ob, yin̈ caw isyelal chiwalan teyet, naj jichmam David tuꞌ, caw johtaj tato cam naj, ismujlaxpaxo naj. Haꞌ bay mujan naj tuꞌ xin, caw ixtan̈to coxol tinan̈.

Hechos 2:31

Yuxin yet caw yalan̈tocano tuꞌ, akꞌlax yohtan̈elo naj, yuxin yalcano naj tato chiitzitzbican̈ Comam Jesucristo. Yalnipaxo naj tato mach chicancano yanma Comam xol camom anma, machi xin chichahlax kꞌajoꞌto isnimanil Comam.

Hechos 28:25

Yaj yu mach lahano istxumni ebnaj yin̈ tzet yal naj Pablo tuꞌ, istzabnico ebnaj istohi. Yuxin yal naj Pablo tet ebnaj hacaꞌ tiꞌ: —Caw yelticꞌa chiyal Comam Espíritu Santo yet yakꞌni Comam yalaꞌ naj Isaías, ischejab Comam Dios, tet ebnaj jichmam yet payat, yet yalni Comam tet naj hacaꞌ tiꞌ:

Hebreos 3:15

Yuto chal yul Yum Comam Dios: Tato cheyabe tzet chiwalan tinan̈ hanin heDiosal intiꞌan, mach cheyakꞌ cawbolo heyanma hacaꞌ yute anma man̈cꞌon yin̈ tzet walan, ẍiayoj.