Hebreos 3:3 - Jakalteko

³ Yajaꞌ Comam Jesús, ecꞌbal yelapno Comam sata naj Moisés tuꞌ. Hacaꞌ hunu naj chianican̈ hunu teꞌ n̈a, ecꞌbal yelapno naj yiban̈ teꞌ n̈a chiswatxꞌe tuꞌ.

Hebreos 3:3 ပူးပေါင်းရင်းမြစ်များ

San Mateo 16:18

Haquinpaxtuꞌan chiwalan tato Pedro chijcano habi. Yiban̈ huneꞌ chꞌen niman chꞌen tiꞌ chiwacan̈an wiglesiahan, machi xin chikꞌoji camical istan̈tzeniloj.

1 Corintios 3:9

Han̈on̈tiꞌan̈ jet munlawomal cobahan̈ yin̈ ismunil Comam Dios, wal hex tiꞌ xin hacaꞌ istzꞌunub Comam Dios heyehi. Lahanexpaxo hacaꞌ hunu n̈a lan̈an iswatxꞌencan̈ Comam Dios.

2 Corintios 3:7

Huneꞌ isley naj Moisés tzꞌibn̈ebilcanico yin̈ chꞌen chꞌen, caw ay iskꞌakꞌal yip isjepla yet yuli, yuxin matxa yu iskꞌoji ismujlico ebnaj Israel yin̈ naj Moisés yu istzejtzoni, yajaꞌ yecꞌbaniln̈e yehi. Yuxin ta haꞌ huneꞌ ley chon̈akꞌni camoj caw xiwquilta yu yakꞌlax tet anma,

Colosenses 1:18

Iswiꞌehal yeco Comam jin̈ cosunil ayon̈xaco yul iskꞌab, yuxin isnimanil Comam jehi, haꞌ Comam yichebanil. Haꞌ Comam babel itzitzbican̈ xol anma camom, yuxin ecꞌbal yelapno ye Comam yiban̈ sunil.

Hebreos 2:9

Yajaꞌ wal Comam Jesús, Comam txann̈e hanicꞌ yip yakꞌ Comam Dios sata ebnaj ángel hanicꞌ tiempohal akꞌlax ismay yeb caw ay yelapno elicoj yu isyaꞌtajil camical, yuto yu iscꞌulchꞌanil iscꞌul Comam Dios yuxin yakꞌ isba yin̈ camical yu iscꞌulalo jin̈.

Hebreos 3:4

Hacaꞌ hunu teꞌ n̈a tinan̈, yilalticꞌa ay hunu mac chianican̈ teꞌ, hac tuꞌ xin ye sunil tzettaj ye tuꞌ, haꞌ Comam Dios watxꞌen̈e.

Hebreos 3:6

Wal Comam Jesucristo Iscꞌahol Comam Dios yehi, caw yijem yin̈ ismunil yul yatut Comam Dios. Huneꞌ yatut Comam tuꞌ xin haꞌ ton han̈on̈ tiꞌ, yajaꞌ ta tꞌin̈an iscawxi cocꞌul yin̈ tzet ayco yipo janma yin̈ caw tzalahilal.