Hebreos 2:13 - Jakalteko

¹³ Ay huneꞌxa bay chala: Yin̈ Comam Dios chicawxi incꞌulan, ẍi. Ay huneꞌxa bay chalpaxoj: Ayinicꞌojan bey tiꞌ yeb wuninalan xayakꞌ Comam Dios wetan, ẍi.

Hebreos 2:13 ပူးပေါင်းရင်းမြစ်များ

San Mateo 27:43

Chicawxi iscꞌul naj yin̈ Comam Dios yalni yuxin jilaꞌ yul Comam Dios colwal yin̈ naj tato caw yeli ochebil naj yu Comam, yuto chal naj tato Iscꞌahol Comam Dios ye naj, ẍi ebnaj.

San Juan 10:29

Wal xin haꞌ Inmaman, caw ecꞌbalcano sata sunil maca, haꞌ akꞌn̈e anma tiꞌ wetan. Caw machi hunu mac chiyu yinilo huntekꞌan tiꞌ yul iskꞌab Inmamtuꞌan.

1 Corintios 4:15

Waxan̈ca ay lahon̈ebo mil mac chexcuyni yin̈ Istzotiꞌ Comam Jesucristo, yajaꞌ hacaꞌtan̈e huneꞌn̈e hemam. Hanintiꞌan hacaꞌ hemam wehan, yuto haninan babel walan Tzotiꞌ yet colbanile teyet, hac tuꞌ xin yu hechahni Comam Jesucristo yul heyanma.