Hebreos 13:23 - Jakalteko

²³ Chiwaltojan teyet ta xabejtzolax juẍta Timoteo. Ta pet chul naj incꞌatan̈an chito naj wintajan yet chintohan quexwilnojan.

Hebreos 13:23 ပူးပေါင်းရင်းမြစ်များ

Romanos 15:25

Yajaꞌ wal tinan̈ xin chintohan bey Jerusalén wakꞌaꞌcanojan hanicꞌ chꞌen melyu chicolwa yin̈ ebnaj juẍta ay bey Jerusalén tuꞌ.

Romanos 15:28

Yuxin chito yijcano isba huneꞌ inchejbaniltiꞌan intohan wakꞌnocanojan chꞌen melyu chicolwa yin̈ ebnaj juẍta tuꞌ, lahwi tuꞌ cat wecꞌan quexwilnojan yet chintohan bey España.

Colosenses 1:1

Hanin Pablo intiꞌan, ischejab Comam Jesucristo wehan. Haꞌ Comam Dios akꞌn̈e huneꞌ inmuniltiꞌan, yuto hac tuꞌ el yin̈ iscꞌul. Haꞌ hun juẍta Timoteo chi-wet-tzꞌibn̈entojan huneꞌ carta tiꞌ teyet hex wuẍtaj hex wanab, hex yetexxa Comam Dios yeb caw yijemex tet Comam, hex ay bey yul con̈ob Colosas. Haꞌojab Comam Dios chiakꞌni akꞌancꞌulal yeb iscꞌulchꞌanil iscꞌul teyet hununex.

1 Tesalonicenses 3:2

Janitojan̈ naj juẍta Timoteo quexistucleꞌ, naj ayco ischejabo Comam Dios yin̈ yalnicꞌo Tzotiꞌ cꞌul yet colbanile yin̈ Comam Jesucristo. Jatojan̈ naj quexistucleꞌ yun̈e yanico naj yip heyanma, yeb yun̈e cam hetoholban̈enico heba yin̈ Comam.

1 Timoteo 6:12

Aco yin̈ hacꞌul halahnico hawanico hawanma yin̈ Comam Dios, caw yachyon̈e chawuco yin̈ huneꞌ hasabehal, haꞌ ton hakꞌinal mach istan̈bal. Yu huneꞌ tuꞌ, yuxin awtebilach yu Comam Dios, yeb xin caw cꞌul yu hatakꞌwen yin̈ sat txꞌiꞌal ebnaj tato haꞌ Comam Jesús, haꞌ Jahawil yehicoj.

2 Timoteo 1:8

Yuxin mach chaẍtxꞌixwi hawalnicꞌo Istzotiꞌ Comam Jesucristo, yeb xin mach chaẍtxꞌixwipaxoj yuto ayinicojan yul preso tiꞌ yu Istzotiꞌ Comam. Wal xin yu hawip chakꞌ Comam Dios yilal hachahni ej isyaꞌtajil chihul tawiban̈ yu chawalicꞌo Istzotiꞌ Comam chiakꞌni colbanile.

Filemón 1:1

Hanin Pablo intiꞌan, ayinicojan preso yu walnicꞌojan Istzotiꞌ Comam Jesucristo. Haninan yeb juẍta Timoteo chicotzꞌibn̈etojan̈ huneꞌ carta tiꞌ tawet wuẍta Filemón; xahan ayach juhan̈, jetbipaxo coba yin̈ ismunil Comam Dios.

Filemón 1:22

Chiwalnipaxtojan tawet, chasay nino bay chinehan yet chinapnihan texol. Caw xin chiwacojan yipo wanmahan ta yu chextxahli win̈an tet Comam Dios, chiel yin̈ iscꞌul Comam intohan quexwilnojan.

Apocalipsis 7:14

Intakꞌwihan tet naj: —Mamin, hach hawohtaj, walinan mach wohtajojan, quinchiyan. Yalni naj wetan: —Haꞌ anma chawil tiꞌ ispeto xol huneꞌ niman isyaꞌtajil, xatxꞌahlaxilo ismul yu ischiqꞌuil Comam oc xahanbalil, hacaꞌ ta xaistxꞌah anma xil iskꞌap, caw xin saj elcanicoj.