Gálatas 1:24 - Jakalteko

²⁴ Yu huneꞌ tuꞌ yuxinto caw chitzala iscꞌul ebnaj yin̈ Comam Dios wuhan.

Gálatas 1:24 ပူးပေါင်းရင်းမြစ်များ

San Mateo 9:8

Hayet yilni anma huneꞌ tuꞌ caw xiwcanocan̈, yoc anma yakꞌno tzalaho iscꞌul yin̈ Comam Dios, yuto caw txꞌiꞌal yip Comam isye tet anma.

San Marcos 2:12

Yin̈n̈ena tuꞌ yahwano naj, yinican̈ naj isbatxteꞌ, yelti naj yul n̈a yin̈ sat sunil anma, ispaxto naj. Hayet yilni anma huneꞌ tuꞌ caw cꞌayilo iscꞌul, yichico anma yalni cꞌulla tzotiꞌ yin̈ Comam Dios. Yalni anma hacaꞌ tiꞌ: —Maẍto hunelo chijil huneꞌ hacaꞌ mayu tiꞌ, ẍi anma.

San Lucas 15:10

Yuxin chiwalan teyet, hac tuꞌ yul satcan̈, caw ay tzalahilal xol ebnaj yángel Comam Dios yu huneꞌ naj mulum chisna isba cat yoc yul iskab Comam Dios, ẍi Comam.

San Lucas 15:32

Yajaꞌ tinan̈ caw yilal yoc huneꞌ kꞌin̈ tiꞌ cat jakꞌni tzala cocꞌul, yuto huneꞌ hawuẍta tiꞌ hacaꞌtan̈e camnaxa, yaj mahulcan̈ iscꞌul hunelxa. Hacaꞌ ta cꞌaynaxato naj, yaj tinan̈ xin maꞌilcha naj,” ẍi naj mame tuꞌ, ẍi Comam.

San Lucas 2:14

Jalawe cꞌulla tzotiꞌ yin̈ Comam Dios ay yul satcan̈, ayojab akꞌancꞌulal sat txꞌo txꞌotxꞌ xol anma ochebil yu Comam Dios, ẍi ebnaj.

San Lucas 7:16

Hayet yilni anma huneꞌ tuꞌ, caw xiwcan̈ anma sunil. Yalni anma cꞌulla tzotiꞌ yin̈ Comam Dios hacaꞌ tiꞌ: —Haꞌ huneꞌ ischejab Comam Dios ischejti coxol tiꞌ, caw niman yelapno yehi, ẍi anma. Yalnipaxo anma: —Caw mahul Comam Dios colwal jin̈, han̈on̈ iscon̈obon̈ tiꞌ, ẍi anma.

Hechos 11:18

Yet yaben ebnaj juẍta ay bey Jerusalén yin̈ sunil tzet yal naj Pedro tuꞌ, caw matxa tzet yal ebnaj, yoc ebnaj yakꞌno tzalaho yanma yin̈ Comam Dios. Yalni ebnaj hacaꞌ tiꞌ: —Caw yeli yakꞌpaxo Comam Dios huneꞌ iscꞌulal tiꞌ tet anma mach Israeloj yun̈e ishelni isbeybal cat ischahnicano huneꞌ iskꞌinal mach istan̈bal, ẍi ebnaj.

2 Corintios 9:13

Chahnipaxico ebnaj ismay Comam, yuto cheyeloj tato yijemex yin̈ Tzotiꞌ cꞌul yet colbanile yin̈ Comam Cristo, yebpaxo chexcolwa yin̈ txꞌiꞌal ebnaj juẍtaj.

2 Tesalonicenses 1:10

Hayet huneꞌ tzꞌayical yet chihul Comam tuꞌ, caw niman yelapno ye Comam yul sat macta yetxa Comam yehi, yeb mac xayayto yul yanma yin̈ Comam. Xol mac tuꞌ xin ayexico hex tiꞌ, yuto heyaco heyanma yin̈ huneꞌ tzotiꞌ halbilcano juhan̈.

2 Tesalonicenses 1:12

Hac tuꞌ xin chialaxico ismay Comam Jesucristo heyu. Chialaxpaxico hewinajil yu iscꞌulal Comam Dios yeb xin Comam Jesucristo.