Efesios 6:16 - Jakalteko

¹⁶ Hacaꞌ yanico naj soldado huneꞌ chꞌen chꞌen petan yehi yin̈ isnukꞌ iskꞌab yun̈e ispahni chꞌen lanza yet ayco howal, hacojab tuꞌ heyanico heyanma yin̈ Comam, yun̈e chu hepahni huntekꞌan isyaꞌtajil chati naj matzwalil teyin̈.

Efesios 6:16 ပူးပေါင်းရင်းမြစ်များ

San Mateo 5:37

Wal xin tato cheyal hoꞌ, yelojab cheyala, taca machoj ta quexchi, machojabi; yuto ta cheyakꞌ binaho isbi huntekꞌan tuꞌ yakꞌni isba yin̈ tzet cheyala, wal xin yin̈ naj matzwalil chitit huntekꞌan tuꞌ, ẍi Comam.

2 Corintios 1:24

Matolo yu yahaw chiwute inbahan yin̈ tzet chu heyanico heyanma yin̈ Comam Dios, machoj, yuto xaheyayto yul heyanma yin̈ Comam yuxin lin̈anex yin̈ Comam. Walxinto chijochehan̈ chon̈colwahan̈ teyin̈, cat hechahni yakꞌbil tzalahilal yul heyanma.

1 Tesalonicenses 5:19

Mach cheyilo yip Comam Espíritu Santo yul heyanma.

1 Tesalonicenses 5:8

Walon̈paxo han̈on̈ tiꞌ yeton̈xa issajilkꞌinal, yuxin toholojab chijute conabal. Yilal janico janma yin̈ Comam, yebpaxo xahanojab chijil coba cosunil. Ta hac tuꞌ chijute lahanon̈ hacaꞌ ebnaj soldado chiscol isba yu chꞌen chꞌen pichbilico yin̈ istxam iscꞌul. Hacaꞌojab yehato chꞌen cꞌowiꞌe yin̈ iswiꞌ ebnaj soldado yu iscolni isba, hacojab tuꞌ iscawxi cocꞌul yin̈ cocolbanil.