Efesios 5:11 - Jakalteko

¹¹ Mach cheyato heba xol huntekꞌan tzet chiswatxꞌe anma xolto kꞌejholo ayco yanma, yuto haꞌ huntekꞌan tzet chiswatxꞌe anma tuꞌ, caw machi nichꞌano iscꞌulal. Wal xin halwe tet cat heyenilo tet ta machi nichꞌano cꞌulu tzet chiswatxꞌe tuꞌ.

Efesios 5:11 ပူးပေါင်းရင်းမြစ်များ

San Mateo 18:15

—Ta ay hunu hawuẍta chiwatxꞌen hunu istxꞌojal tawin̈, as tzotelan̈ tet naj hachuquil, cat xin hacachni naj. Ta chabeto naj tzet chawala, yocxa akꞌancꞌulal texol chal tuꞌ.

San Lucas 3:19

Caw cachwa naj Juan yin̈ naj Herodes, ayco gobernadoral bey tuꞌ yuto yikꞌcan̈ naj ix Herodías, yixal yuẍtaj, haꞌ ton naj Felipe, yebpaxo xin yu sunil istxꞌojal iswatxꞌe naj.

Hechos 26:18

Chaẍwatojan xol anma tuꞌ yun̈e hato hawakꞌno hajloho sat, yeb xin yun̈e matxa chislahico isbelwi xol kꞌejholo, to haxa xol issajilkꞌinal chꞌeqꞌui. Yebpaxo xin yun̈e matxa chislahico isyijen tzet chiyal naj matzwalil, haxa tzet chal Comam Dios haꞌ chiswatxꞌe, cat xin quinischahnaytojan yul yanma cat yakꞌlax nimancꞌulal yin̈ ismul, cat ischahnipaxo ismajul xol anma saybilxa yu Comam Dios, ẍi Comam Jesús wetan,” ẍi naj Pablo tuꞌ.

Romanos 13:12

Tinan̈ xin cawilxa yeti tiempo, lahan hacaꞌ yet xaecꞌto akꞌbal, lan̈anxa issajbiloj. Yuxin cobejaꞌwecano sunil istxꞌojal yet kꞌejholo, cat cowatxꞌen coba jecꞌ yin̈ issajilkꞌinal yet Comam, hacaꞌ chu iswatxꞌen isba naj soldado, yet chanicꞌo naj huntekꞌan xilkꞌape yet howal.

Romanos 16:17

Hex wuẍtaj hex wanab, caw cheyil heba tet ebnaj choche yakꞌaco pohlebahil texol, yeb choche quexyakꞌa aycꞌayoj. Haꞌ huntekꞌan chu ebnaj tuꞌ mach chischah isba yeb cuybanile chabilxa heyu. Huntekꞌan ebnaj tuꞌ mach chechah ebnaj texol.

Romanos 6:21

Yajaꞌ, ¿tzet iscꞌulal jikꞌ yin̈ huntekꞌan istxꞌojal cowatxꞌe tuꞌ, huntekꞌan bay chon̈txꞌixwi tinan̈? Wal xin han̈cꞌan̈e yin̈ camical mach istan̈bal chon̈yitoj.

Gálatas 6:8

Tato haꞌ istxꞌojal tzet choche janma chicowatxꞌe, haꞌticꞌa camical chicochah ispajoj. Wal tato haꞌ tzet chal Comam Espíritu Santo chicowatxꞌe, haꞌ kꞌinal mach istan̈bal chicochah tet Comam Espíritu.

Efesios 4:22

Caw bejwecano huneꞌ hebeybal ikꞌbilticꞌa heyu yet yalan̈tocanoj, huneꞌ kꞌaytzen̈exico yin̈ istxꞌojal cheyoche.

Efesios 5:12

Caw txꞌixobal jalni yin̈ tzet chiswatxꞌe huntekꞌan anma tuꞌ yin̈ ewantajil.

Efesios 5:7

Yuxin caw chiwalcanojan teyet, mach chexoc xol huntekꞌan anma tuꞌ.

Colosenses 1:12

Yeb xin cheyakꞌ yuchꞌandiosal tet Comam Dios yin̈ caw tzalahilal, yuto xayakꞌ Comam toholboco conabal yuxin ay joc yin̈ cochahni comajul yinta macta yetxa Comam Dios yehi, ayxaco xol sajilkꞌinal.

1 Tesalonicenses 5:7

Johtaj ta yet akꞌbalil chiway anma, yebpaxo akꞌbalil chiuqꞌui anma.

2 Tesalonicenses 3:14

Tato ay mac mach chiyijen tzet chijaltojan̈ yul huneꞌ hum tiꞌ, ton̈eojab cheyila maca matxa xin chehunba heba yebi haxinwal chitxꞌixwican̈.

2 Tesalonicenses 3:6

Hex wuẍtaj hex wanab, yin̈ isbi Cocolomal Jesucristo chijaltojan̈ huneꞌ chejbanile tiꞌ teyet tato chepohilo heba yin̈ ebnaj juẍta mach chisje iscꞌul munlahoj, yeb mach chisyije cuybanile halbilcano teyet juhan̈.

1 Timoteo 5:20

Tato ay hunu naj juẍtaj maca ix janab mach chisbej yanico ismul, yilal hecachni yin̈ sat sunil yuninal Comam Dios, haxinwal chixiw sunil yuninal Comam yanico ismul.

1 Timoteo 5:22

Mach comono chawaco ismunil huno naj juẍta yul iskꞌab yin̈ an̈e yalan̈to maẍto chawil isbeybal naj, haxataxca chꞌelicoj hach hunach chawato haba yin̈ istxꞌojal huneꞌ mac tuꞌ. Wal xin, machojab chawato haba xol tzet ye tuꞌ machiswalil.

1 Timoteo 6:5

Maẍticꞌa chisbej anma tuꞌ yakꞌni howal, caw matxaticꞌa cꞌulu yul iswiꞌ, matxa isyelal Istzotiꞌ Comam Dios ayco yin̈. Haꞌ huneꞌ nabil yu anma, haꞌ ton yikꞌni niman melyu yin̈ cuybanile chabilxa ju. Mach chahunba haba yeb huntekꞌan anma tuꞌ.

2 Timoteo 3:5

Chiyalni ebnaj tato ayco isnabal ebnaj yin̈ Comam Dios, yajaꞌ isbeybal ebnaj chiyeniloj ta mach ayoco Comam Dios yin̈ isnabal ebnaj. Mach chawaco haba xol huntekꞌan ebnaj tuꞌ.

2 Timoteo 4:2

ta chawalicꞌo cuybanile yet Comam xol anma. Ta choche anma yabeꞌ, maca mach choche anma yabeꞌ, yajaꞌ masan chawalicꞌoj. Akꞌ yohtan̈elo yin̈ istxꞌojal chiswatxꞌe, cat xin hacachwa yin̈. Chawiptzenpaxoj, yeb niman chawute hacꞌul hacuynipaxo yin̈ cuybanile.

Tito 2:15

Haꞌ huneꞌ tiꞌ, yilal hawakꞌni iscuyuꞌ macta ayxaco yul iskꞌab Comam, chawanico yip yanma. Tato ay ebnaj machiswalil chute isba, sunil hawanma chacachni. Haꞌojab iscꞌulal chawatxꞌe haxinwal machi mac chiinilo hapixan.

Apocalipsis 18:4

Lahwi tuꞌ wabenpaxojan huneꞌxa yul nukꞌe satcan̈, halni hacaꞌ tiꞌ: Hex wetxahan, elan̈we yul huneꞌ con̈ob tiꞌ yun̈e mach cheyilto hewatxꞌen istxꞌojal chiswatxꞌe, yeb yun̈e maẍtaj hunex chechah isyaꞌtajil chul yiban̈.