Apocalipsis 14:18 - Jakalteko

¹⁸ Yelpaxilo huneꞌxa naj ángel bay ay meẍa yet xahanbal, huneꞌ naj ángel tuꞌ ay yip naj yiban̈ kꞌa kꞌaꞌ. Yawi naj yin̈ caw ip tet naj ikꞌn̈e chꞌen cꞌupom uva: —Acto haꞌ cꞌupom uva xol teꞌ uva ay sat txꞌo txꞌotxꞌ cat hacꞌupnilo teꞌ, yuto kꞌanxa teꞌ, ẍi naj.

Apocalipsis 14:18 ပူးပေါင်းရင်းမြစ်များ

San Marcos 4:29

Haxa yet chikꞌanbilo ixim, cat yul naj iscꞌupnocan̈ ixim yuto istiempohalxa yah ixim, ẍi Comam.

Apocalipsis 16:7

Wabenpaxojan yallax bay ay ismeẍahil xahanbal hacaꞌ tiꞌ: —Hoꞌ Mamin, sunil chu hawu. Hach tiꞌ xin chawil yin̈ istoholal yeb isyelal yin̈ tzet chielico anma, ẍi.

Apocalipsis 16:8

Isjobnayo naj iscan̈ ángel ishowal Comam Dios ayayto yul isvaso yiban̈ tzꞌayic, yakꞌlax yip yoj tzꞌayic tuꞌ isn̈usnito anma.

Apocalipsis 8:3

Lahwi tuꞌ yul huneꞌxa naj ángel ikꞌbil huneꞌ chꞌen lesen naba oro yu naj, yoc lin̈no naj sata meẍa ayco sata istzꞌon̈obal Comam Dios, caw xin txꞌiꞌal pom akꞌlax tet naj. Yoc naj isn̈usno yiban̈ meẍa naba oro, yalten naj tet Comam Dios yeb istxah anma yetxa Comam yehi.