Apocalipsis 14:11 - Jakalteko

¹¹ Huneꞌ bay chiakꞌlax ecꞌoyaꞌ yanma ebnaj tuꞌ ayn̈eticꞌaco yah isn̈ubal yin̈ sunilbal tiempo. Tzꞌayic, akꞌbal machi nino xewilal chiakꞌlax tet macta chiyo isba tet naj Nokꞌ isbi tuꞌ yeb chiyo isba tet yechel naj, yeb chichahni yechel isbi naj yin̈ ispalan̈ maca yin̈ iskꞌab, ẍi naj.

Apocalipsis 14:11 ပူးပေါင်းရင်းမြစ်များ

San Mateo 11:28

Maquex sicꞌomexxa yu hemunil yeb hex xatibayo heyu yalan̈ yalil heyijatz, titan̈we incꞌatan̈an, yuto haninan chexwakꞌ xewojan.

San Mateo 25:41

Lahwi tuꞌ xin chiwalnihan tet anma ayco yin̈ inmeckꞌaban: “Elan̈we yin̈ insatan hex tzꞌactiꞌn̈ebilexxa tiꞌ, asiꞌwe xol kꞌa kꞌaꞌ mach istan̈bal watxꞌebilxa tet naj matzwalil yeb tet ebnaj ischejab naj.

San Mateo 25:46

Haꞌ huntekꞌan anma tuꞌ xin, chitocano yin̈ isyaꞌtajil yin̈ huneln̈e. Wal anma watxꞌen iscꞌulal, chischah iskꞌinal mach istan̈bal, ẍi Comam Jesús.

Hebreos 1:8

Walpaxo yin̈ Iscꞌahol Comam tuꞌ chala: Hach Dios, yahaw hach yin̈ sunilbal tiempo. Haꞌ istoholal xin chawatxꞌe yet ayachico Yahawiloj.

Apocalipsis 11:15

Hayet yokꞌtzen naj ishuj ángel istrompeta yabelax huneꞌ yul nukꞌe awi yin̈ caw ip yul satcan̈, yalni: Sunil tzet ay yip yul sat yiban̈kꞌinal tiꞌ chioccano yul iskꞌab Comam Dios Jahawil yeb yul iskꞌab Comam Jesucristo, cat yoccano yahawil yin̈ sunilbal tiempo, ẍi.

Apocalipsis 13:12

Caw xin lahan yip noꞌ yeb noꞌ babel, chisyenilo noꞌ yip yun̈e isyijelax tet noꞌ babel tuꞌ. Hac tuꞌ xin sunil anma yul sat yiban̈kꞌinal tiꞌ chiyo isba tet noꞌ babel tuꞌ, noꞌ an̈cha huneꞌ islahwilal.

Apocalipsis 13:15

Yakꞌlax yip noꞌ iscab tuꞌ yakꞌni iskꞌinal yechel noꞌ babel tuꞌ yun̈e istzoteli yeb yu yakꞌni camo macta mach chiyo isba tet yechel noꞌ babel tuꞌ.

Apocalipsis 13:17

Machi xin hunu mac chu islokꞌwi yeb istxon̈wi ta mach ayoco yechel noꞌ yin̈, huneꞌ yechel tuꞌ haꞌ ton isbi noꞌ, maca isnumerohal isbi noꞌ.

Apocalipsis 14:9

Tzujanxa xin yalni naj yox ángel yin̈ caw ip: —Ta ay mac chiyiyo isba tet naj Nokꞌ isbi yeb tet yechel naj, cat ischahnico yechel isbi naj yin̈ ispalan̈ maca yin̈ iskꞌab,

Apocalipsis 18:18

Yet yilni ebnaj yah isn̈ubal huneꞌ con̈ob tuꞌ yah yaw ebnaj, yalni ebnaj: Caw machi hunuxa con̈ob hacaꞌ huneꞌ niman con̈ob tiꞌ, ẍi ebnaj.

Apocalipsis 18:9

Wal sunil ebnaj rey ay yul sat yiban̈kꞌinal tiꞌ yaco ebnaj ismul yeb yakꞌ yoche tzet chal isnimanil yeb huneꞌ con̈ob tuꞌ, caw chꞌokꞌ ebnaj yeb caw chitzꞌay iscꞌul ebnaj yilni yah isn̈ubal yet chitzꞌatoj.

Apocalipsis 19:3

Yalnipaxo huntekꞌan yul nukꞌe tuꞌ hacaꞌ tiꞌ: Caw niman yelapno Comam Dios Jahawil. Huneꞌ ix ix tuꞌ maẍticꞌa chisbej yah isn̈ubal, ẍi.

Apocalipsis 20:10

Wal naj matzwalil akꞌni subchaho huntekꞌan anma tuꞌ kꞌojlaxayto naj xol huneꞌ niman kꞌaꞌ chiah xaj yu azufre, huneꞌ bay kꞌojlaxayto mac Nokꞌ isbi yeb naj isbalico isba ischejabo Comam Dios. Haꞌ bey tuꞌ xin chiakꞌlax ecꞌoyaꞌ yanma ebnaj tzꞌayic akꞌbal yin̈ sunilbal tiempo.

Apocalipsis 22:5

Bey tuꞌ matxa akꞌbal, matxa yilalo chiocnico cantil yeb yoj tzꞌayic, yuto haxa iskꞌakꞌal Comam chitzejn̈eni, cat yoc yahawilo yin̈ sunilbal tiempo.

Apocalipsis 7:12

Yalni ebnaj hacaꞌ tiꞌ: —¡Hacojab tuꞌ! Haꞌn̈ehojab yin̈ Comam Dios challax tzotiꞌ cꞌul, yeb ta caw ay ismay, yeb ta caw ay yitzꞌatil iswiꞌ. Haꞌn̈eꞌojab tet Comam Dios chiakꞌlax yuchꞌandiosal, han̈e Comam caw ay yelapnoj yeb caw ay yip, yeb caw ay ishelanil yin̈ sunilbal tiempo. ¡Hacojab tuꞌ! ẍi anma.