2 Timoteo 4:12 - Jakalteko

¹² Wal naj juẍta Tíquico, xainchejtojan naj bey Efeso.

2 Timoteo 4:12 ပူးပေါင်းရင်းမြစ်များ

Hechos 18:19

Yet yapni ebnaj yul con̈ob Efeso xin, iscancano ix Priscila yeb naj Aquila bey tuꞌ. Octo naj Pablo yul iscapilla ebnaj Israel, istzabnico naj istzotel yeb ebnaj cutxanicoj.

Hechos 18:21

Yet lan̈an istakꞌlicano naj Pablo tuꞌ tet ebnaj, yalni naj hacaꞌ tiꞌ: —Caw yilal chintohan bey Jerusalén yin̈ kꞌin̈. Yaj ta chꞌel yin̈ iscꞌul Comam Dios chinecꞌan tecꞌatan̈ hunelxa, ẍicano naj. Hac tuꞌ xin yu yel naj yul con̈ob Efeso, yocpaxo naj yul barco.

Hechos 19:1

Yet ayicꞌo naj Apolos yul con̈ob Corinto, ay yul ismajul Acaya, lan̈an yecꞌpaxo naj Pablo yul ismajul txꞌotxꞌ Asia. Hayet yapni naj Pablo yul con̈ob Efeso yillenayo isba naj yeb huntekꞌan ebnaj ayxaco yul iskꞌab Comam bey tuꞌ.

Hechos 20:25

Caw quinecꞌan walaꞌcojan texol yin̈ tzet chu heyoc yul iskꞌab Comam Dios. Tinan̈ xin, wohtajan tato matxa bakꞌinal chinheyilan hunelxa.

Hechos 20:4

Ay xin huntekꞌan ebnaj juẍta to yinta naj Pablo; haꞌ ton naj Sópater ah Berea, yeb naj Aristarco, yeb naj Segundo ah Tesalónica, yeb naj Gayo ah Derbe, yeb naj Timoteo, yebpaxo cawan̈ ebnaj ay bey Asia, naj Tíquico yeb naj Trófimo.

Efesios 6:21

Haꞌ naj juẍta Tíquico, naj caw yijem iscolwa yin̈ ismunil Comam Jesucristo, haꞌ naj chiinapno tzotiꞌ teyet yin̈ tzet caw wehicojan, yeb xin tzet lan̈an wunihan bey tiꞌ.

Efesios 6:22

Chiwatojan naj quexyilaꞌ, haꞌ naj chihalni teyet hanicꞌ jehan̈, haxinwal chakꞌ naj yakꞌlobal heyanma.

Colosenses 4:7

Naj juẍta Tíquico, caw xahan ay naj wuhan, caw yijemcano naj yeb caw chicolwa naj wintajan yin̈ jalnicꞌojan̈ Istzotiꞌ Comam Dios. Haꞌ naj chiinipaxto tzotiꞌ teyet yin̈ hanicꞌ wehicojan bey tiꞌ.

1 Timoteo 1:3

Yet inbeyan yul ismajul Macedonia, caw inkꞌanan tawet tato chaẍcancano yul con̈ob Efeso yun̈e hacachni ebnaj chiꞌakꞌni huntekꞌan cuybanile maẍtaj yecoj.

Tito 3:12

Hayet chinchejnitojan juẍta Artemas maca yuẍta Tíquico tacꞌatan̈, chawaco yin̈ hacꞌul hato bey con̈ob Nicópolis quinhawilaꞌan, yuto chiwochehan ta haꞌ bey tuꞌ ayinan yet chiecꞌ n̈abil.