2 Tesalonicenses 3:10 - Jakalteko

¹⁰ Yet ayon̈an̈ texol tuꞌ, chijalnihan̈ huneꞌ cuybanile tiꞌ: “Mac mach chisje iscꞌul chimunlahi, machojab chiwaꞌpaxoj,” con̈chiyan̈.

2 Tesalonicenses 3:10 ပူးပေါင်းရင်းမြစ်များ

San Lucas 24:44

Yalni Comam tet ebnaj: —Haꞌ huntekꞌan isyaꞌtajil mawakꞌletiꞌan, haꞌ ton walan teyet yet ayintocꞌojan texol, ta yilal yijni isba hacaꞌ tzet tzꞌibn̈ebilcano win̈an yu naj Moisés, yebpaxo yu ebnaj ischejab Comam Dios yet payat, yebpaxo xin yin̈ Salmos, ẍi Comam.

San Juan 16:4

Caw chiwalcanojan huntekꞌan tiꞌ teyet, haxinwal yet chiapni istzꞌayical chitit yul hecꞌul tato halbilxaticꞌa teyet wuhan. Yalnipaxo Comam Jesús: —Caw machi walan huntekꞌan tiꞌ teyet yet yalan̈tocanoj yuto ayinicꞌojan texol.

Hechos 20:18

Hayet yapni ebnaj xin, yalni naj tet ebnaj: —Hex tiꞌ caw heyohta tzet yu wecꞌan texol, yeb tzet yu inmunlahan yettaxticꞌa wulicꞌojan bey Asia tiꞌ.

1 Tesalonicenses 3:4

Yuxin yet jecꞌan̈ texol, jalcanojan̈ teyet tato yilal yul isyaꞌtajil jiban̈, caw xin cheyila tato hac tuꞌ elicoj.

1 Tesalonicenses 4:11

Chiwaltojan teyet, aweco yin̈ heyanma heye yin̈ akꞌancꞌulal, haweco hemunil yin̈ hecꞌul. Munlahan̈wej, hacaꞌticꞌa jute jalnicanojan̈ teyet.

2 Tesalonicenses 2:5

¿Tom matxa chitit huneꞌ tiꞌ yul hecꞌul xin? Caw walan teyet yet ayinan texol.